ලොක්කෝ වාහන 25000ක් එනතුරු පෝලිමේ

රාජ්‍ය සේවයේ ප්‍රධානීන් විසි පන්දහසක් පමණ වසර පහකට වඩා දිගු කාලයක් තිස්සේ තීරු බදු රහිත වාහන බලපත්‍ර ළඟ තබාගෙන සිටි ඇති අතර, එම නිසා වාහනයක් මිලදී ගැනීමට නොහැකිව දැඩි දුෂ්කරතාවට මුහුණදී සිටින බව වාර්තා වෙයි.

තීරු බදු රහිත වාහන බලපත්‍ර වෙනුවෙන් වාහන ලබා ගැනීමට රජය තවමත් තීරණය කර නොමැතිවීම මෙම තත්වයට හේතු වී ඇතැයි ආරංචි මාර්ග ප්‍රකාශ කරයි.

මෙම ගැටලුව සම්බන්ධයෙන් රාජ්‍ය පරිපාලන පළාත් සභා හා පළාත් පාලන අමාත්‍ය මහාචාර්ය චන්දන අභයරත්න මහතාගෙන් විමසුමක් සිදුකළ විට, එම ගැටලුව අනාගතයේදී විසඳෙනු ඇති බව ඔහු අපේක්ෂා කරන බව ප්‍රකාශ කරයි.

රටම කළුවරේද ? විදුලි කප්පාදුවක් ගැන කතාවක්

මෙරට වාහන ගෙන්වීම අත්හිටුවා ඇති පසු, රාජ්‍ය සේවකයන් සඳහා තීරු බදු සහිත නිදහස් වාහන බලපත්‍ර 25,508 ක් නිකුත් කර ඇති අතර, ඒ අතර 2020දී 5,373ක්, 2021දී 2,972ක්, 2022දී 3,340ක්, 2023දී 5,718ක්, 2024දී 6,062ක් සහ 2025දී 2,043ක් ලෙස නිකුත් කර ඇතැයි ආරංචි මාර්ග ප්‍රකාශ කරයි.

ඉහත තත්ත්වය යටතේ, ඇතැම් රාජ්‍ය සේවකයන් තම විවිධ හදිසි අවශ්‍යතා සපුරා ගැනීම සඳහා පසුගිය කාලයේදී මෙම තීරු බදු රහිත වාහන බලපත්‍ර අඩු මුදලකට වාහන අලෙවිකරුවන්ට විකුණා ඇති බවද වාර්තා වෙයි.

මාලිමාවේ ලොක්කෙක්ට තවත් පැමිණිල්ලක් - කියපු පච හිටපු කථානායකවරයෙක් සහ පොහොට්ටුවේ ප්‍රබලයෙක් දිගාරියි