මේ රාජ්‍ය සේවකයන් අද සිට තවත් වෘත්තීය ක්‍රියාමාර්ගයක

සෞඛ්‍ය අමාත්‍යාංශය ආරම්භ කළ ආරෝග්‍යා ව්‍යාපෘතියෙන් අද (02) සිට ඉවත් වන බව රජයේ වෛද්‍ය නිලධාරීන්ගේ සංගමය සඳහන් කරයි.

එහි සහකාර ලේකම් වෛද්‍ය හංසමාල් වීරසූරිය මහතා පැවසුවේ, සිය ඉල්ලීම්වලට රජයෙන් යහපත් ප්‍රතිචාර නොලැබීම හේතුවෙන් මෙම වෘත්තීය ක්‍රියාමාර්ගයට එළඹීමට සිදුව ඇති බවයි.

එමෙන්ම, මෙම වෘත්තීය ක්‍රියාමාර්ගයට අමතරව සංගමය විසින් මේ වන විට වෘත්තීය ක්‍රියාමාර්ග 7ක් ද ක්‍රියාත්මක කර ඇති බවත්ය.

බිහිසුණු තත්ත්වය හමුවේ ඇමරිකානු සෙබළුත් ජීවිතක්ෂයට - ඇමරිකාව නැවතත් පලි ගනියි

ඒඅනුව වෛද්‍ය හංසමාල් වීරසූරිය මහතා පැවසුවේය,

''මේ ආරෝග්‍යා ව්‍යාපෘතිය කියන්නේ මොකද්ද? මේකේ පිටිපස්සේ තියෙන අරමුණ මොකද්ද කියලවත් අපි දැනුවත් වෙලා නෑ. සක්‍යතා අධ්‍යනයක් කරලා තියෙනවද මේ ආරෝග්‍යා ව්‍යාපෘතියට. මේක කාගේ අවසරයකින් ද කරන්නේ කවුද මේකේ පිටිපස්සේ ඉන්නේ. රටේ සෞඛ්‍ය සේවාව ඇතුළේ දැවැන්ත ප්‍රශ්න ගණනාවක් තියෙද්දී ප්‍රශ්නයක් නැති තැන්වලට, එක වගේ දෙක දෙක වැඩ කරන්න පටන් අරන් තියෙනවා. අපිට සාදාරණ සැකයක් තියෙනවා මේක දේශපාලන අරමුණකින් කරන වැඩක් කියලා. වෛද්‍යවරුන්ගේ සහ සෞඛ්‍යයේ තියෙන ප්‍රශ්න විසඳන්නේ නෑ කියලා සාක්ෂාත් කරලා පෙන්නලා ප්‍රශ්න නැති තැන්වල වවාගෙන කෑමක් කරන්නේ. ඒ නිසා කිසිම දෙයක් නොදන්න, දේශපාලන මුහුණුවරක් ගත්ත මේ වගේ වැඩකටයුත්තකට සහභාගී නොවී ඉන්න රජයේ වෛද්‍ය නිලධාරීන්ගේ සංගමයේ මධ්‍යම කාරක සභාව තීරණය කරලා තියෙනවා'' 

මේ දේවල් කරොත් අද මේ ලග්නවලට කිරි ගහට ඇන්නා වගේ හරියනවා