බන්ධනාගාරයට ගුවනින් ආ පාර්සලය

ගාල්ල බන්ධනාගාරයේ තාප්පයට ඉහළින් විසිකරන ලද තහනම් ද්‍රව්‍ය පාර්සලයක් පසුගිය 20 වනදා රාත්‍රි සේවයේ රාජකාරි කළ නිළධාරින්ට හමු වී තිබෙනවා.

එම පාර්සලය තුළ ලී කොට කැබලි 02ක් තිබී ඇති අතර එය වැඩිදුර පරික්ෂා කිරීමේදී, ලී කොට කැබලිවල මැද කොටස ඉවත් කර එහි ඉතා සුක්ෂම ලෙස අදාළ තහනම් ද්‍රව්‍ය අසුරා තිබෙන අයුරු නිරීක්ෂණය වූ බවයි නිලධාරීන් කියා සිටියේ.

අදාළ පාර්සල් තුළ තිබී ජංගම දුරකථනයක්, දුම්කොළ 10ක් සහ ජංගම දුරකථන ආරෝපණයක් හමුවී තිබෙනවා. එම තහනම් ද්‍රව්‍ය පාර්සලය,බන්ධනාගාර පාලන අධිකාරිය වෙත භාර දී ඇති අතර, මේ පිළිබදව මුලික විමර්ශන කටයුතු මේ වනවිට පවත්වනවා.