ඉන්ධන සම්බන්ධයෙන් ඇමතිගෙන් විශේෂ දැනුම්දීමක්..

ශ්‍රී ලංකාවේ මාසික ඉන්ධන අලෙවිය ඉහළ යමින් පවතින බව විදුලිබල හා බලශක්ති අමාත්‍ය කංචන විජේසේකර මහතා X (ටිව්ටර්) පණිවිඩයක් මඟින් දැනුම් දෙනු ලබනවා.

ශ්‍රී ලංකා ඛනිජ තෙල් බෙදාහරින්නන්ගේ සංගමය මේ සතිය මුලදී රටේ ආර්ථික තත්ත්වය සඳහන් කරමින් රටේ ඉන්ධන පරිභෝජනය සියයට 50කින් අඩු වී ඇති බව පැවසීමෙන් පසු ඇමැතිවරයා මෙම පණිවිඩය නිකුත්කර ඇත.

අමාත්‍යවරයා නිකුත් කළ පණිවිඩයේ සඳහන් වූයේ, රජය විසින් පවත්වාගෙන යනු ලබන Ceypetco, LIOC සහ Sinopec හරහා සමස්ත ඉන්ධන අලෙවිය ඉහළ යමින් පවතින අතර, පෙර නොවූ විරූ ආකාරයට මාර්තු මාසයේ දී එය ඉහළ අගයක පෙන්නුම් කළ බවයි.

අමාත්‍යවරයා නිකුත් කළ පණිවිඩයේ අන්තර්ගතව ඇත්තේ, ඔටෝ ඩීසල් මාසික අලෙවිය මාර්තු මාසයේදී මෙට්‍රික් ටොන් 137,927 ක් වාර්තා කර ඇති අතර, එය 2023 අගෝස්තු මාසයේ සිට මෙට්‍රික් ටොන් 147,586 ක් වාර්තා කළ අතර එය ඉහළම අගය බවයි.

බහුලව භාවිතා වන ඔක්ටේන් 92 හි මාසික විකුණුම් මාර්තු මාසයේදී මෙට්‍රික් ටොන් 112, 545 වාර්තා කර ඇති අතර, එය 2023 දෙසැම්බර් මාසයේ සිට මෙට්‍රික් ටොන් 113,078ක් වාර්තා කළ ඉහළම අගය බවයි පැවසෙන්නේ.