‘දිට්වා’ සුළි කුණාටුවෙන් විනාශ වූ පාලම් ස්ථිරව පිළිසකර කිරීමට මාස 18ක්

අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මහතා පැවසුවේ, ‘දිට්වා’ සුළි කුණාටු ආපදාවෙන් මාර්ග පද්ධතියට සිදුවූ හානි අතරින් විනාශයට පත් පාලම් ස්ථිර වශයෙන් යථා තත්ත්වයට පත් කිරීමට මාස 18ක් පමණ ගතවනු ඇති බව මාර්ග සංවර්ධන අධිකාරිය දැනුම් දී ඇති බවයි.

මාර්ග සංවර්ධන අධිකාරිය යටතේ පාලනය වන පාලම් 40ක් මෙලෙස විනාශයට පත්ව ඇති අතර, ඉන් 15ක් මේ වන විට තාවකාලිකව ඉදිකර ගමනාගමනයට විවෘත කර ඇත.

සුංගාවිල - සෝමාවතිය මාර්ගය නැවත තාවකාලිකව වසා දමයි

විනාශ වූ පාලම් අතරින් තුනක් ඉතා කඩිනමින් පිළිසකර කළ යුතු බවද කොමසාරිස් ජනරාල්වරයා අවධාරණය කළේය.

මේ අතර, පළාත් සභා මාර්ග සහ වතු ප්‍රදේශවල මාර්ග සම්බන්ධයෙන්ද තක්සේරු කිරීම් සිදුකරමින් පිළිසකර කිරීමේ කටයුතු ක්‍රියාත්මක බවද ඔහු සඳහන් කළේය.

ඉන්දියානු හමුදාවද ජැෆ්නා ප්‍රදේශයේ පුලියම්පොක්කනෛ පාලම වැනි විනාශ වූ පාලම් පිළිසකර කිරීමට සහාය දක්වමින් සිටින බව වාර්තා වේ.

ඉදිරි පැය 36 ගැන අවදානාත්මක කාලගුණ අනාවැකියක්

නුවරඑළිය යළි ගොඩ දාන්න එක්වෙන්න - අගමැතිගෙන් ඉල්ලීමක්