දෙසැම්බර් 18ට පාර්ලිමේන්තුව කැඳවයි

අග්‍රාමාත්‍ය ආචාර්ය හරිනි අමරසූරිය මහත්මියගේ ඉල්ලීමක් මත ශ්‍රී ලංකා පාර්ලිමේන්තුව 2025 දෙසැම්බර් 18 වැනි බ්‍රහස්පතින්දා පෙරවරු 9.30ට රැස්වීමට නියමිතය.

කථානායක වෛද්‍ය ජගත් වික්‍රමරත්න මහතා විසින් අද (13) අතිවිශේෂ ගැසට් නිවේදනයක් නිකුත් කරමින් මෙම කැඳවීම සිදු කර ඇති අතර, එය පාර්ලිමේන්තුවේ ස්ථාවර නියෝග 16 යටතේ සිදු වී ඇත.

හරිනිට නාමල්ගෙන් ස්තුතියක් - මෙන්න හේතුව

මේ අතර, ශ්‍රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂ මහතාද අග්‍රාමාත්‍යවරියට ලිඛිත ඉල්ලීමක් කරමින්, මෑතකාලීන ආපදාවලින් පීඩාවට පත් ජනතාවට සහන සැලසීම සඳහා කඩිනම් පියවර ගැනීමට පාර්ලිමේන්තුව වහාම කැඳවන ලෙස ඉල්ලා තිබේ.

ස්ථාවර නියෝග 16 යටතේ අග්‍රාමාත්‍යවරියට පැවරී ඇති බලතල අනුව මෙම කැඳවීම සිදු කරන ලෙසද මන්ත්‍රී රාජපක්ෂ මහතා තම ලිපියෙන් ඉල්ලා සිටි බව වාර්තා වේ.

දෙසැම්බර් 18ට පාර්ලිමේන්තුව කැඳවයි by rishma