ලොවටම සාමය වැපිරූ ඒහි පස්සිකෝ සාම පාගමන නිමා වෙයි - සාධුකාර මැද හිමිවරු දිවයිනෙන් පිටව යති[VIDEO]

ලෝකවාසී ජනතාවට සාමයේ පණිවිඩය බෙදා හරිමින් සහ බුදු දහමේ උරුමය ජාත්‍යන්තරය වෙත රැගෙන යමින් දින 07ක් පුරා මෙරටදී පැවැත්වුණු "ඒහි පස්සිකෝ" සාම පාගමන අවසන් කරමින් ශ්‍රී ලංකාවට පැමිණි භික්ෂූන් වහන්සේලා ප්‍රමුඛ පිරිස අද (29) දින උදෑසන දිවයිනෙන් පිටව ගොස් ඇත.

ඒ අනුව අමෙරිකාවේ වාසය කරන වියට්නාම ජාතික පඤ්ඤාකර ස්වාමීන් වහන්සේ ඇතුළු භික්ෂුන් වහන්සේලා, 'ආලෝකා' සුනඛයා සහ තවත් ගිහි පිරිසක් මෙසේ අද උදෑසන 07.12ට කටුනායක ගුවන්තොටුපොළෙන් තුර්කියේ ඉස්තාන්බුල් නුවර බලා පිටත්ව ගොස් ඇති බව වාර්තා වේ.

පසුව එතැන් සිට වෙනත් ගුවන් යානයකින් අමෙරිකාව බලා පිටත්ව යාමට නියමිත බව සඳහන්.

ලෝක සාමය වෙනුවෙන් කල ඒහිපස්සිකෝ සාම යාත්‍රාව අවසානය දකී

මේ අතර භික්ෂුන් වහන්සේලා පිරිස අද අලුයම කටුනායක ගුවන්තොටුපොළ විශේෂ අමුත්තන්ගේ මැදිරිය වෙත පැමිණි සිටි අතර ඔවුන් වෙත දන් පිළිගැන්වීමෙන් පසු, ගුවන් තොටුපොළ විවිධ අංශවල සේවයේ නිරත සේවක සේවිකාවන් ද පැමිණ ආශිර්වාද ලබා ගැනීමට කටයුතු කර ඇත.

එහිදී ආලෝකාගේ සෞඛ්‍ය තත්ත්වය පිළිබඳව පශු වෛද්‍යවරුන්, ගුවන් තොටුපොළ පොලිස් නිලධාරීන් සහ ගුවන් හමුදා නිලධාරීන් විශේෂ අවධානයක් යොමු කරමින් කටයුතු කර තිබුණා.

"ඒහි පස්සිකෝ" සාම පාගමනේ සමාප්ති රාජ්‍ය උත්සවය ජනාධිපති අනුර කුමාර දිසානායක මහතාගේ සහභාගිත්වයෙන් ඊයේ (28) දින පස්වරුවේ කොළඹ නිදහස් චතුරශ්‍රයේදී පැවැතුණා. 

වෙසක් දිනය මැයි 1 දා සමරන්න - හේතුවත් එක්කම රටට දෙසුව කොටපිටියේ අනුනාහිමි

සෞඛ්‍ය අංශයෙන් ලංකාවේ දරුවන්ගෙන් 25% ක් ගැන නරක ආරංචියක් - පාසල් දරුවන්ට මෙහෙම වෙන්න හේතුවත් පහදයි