සියලු පාලස් සිසුන්ට ලබන සතියේ සිට සුබ ආරංචියක්..උසස් පෙළ ප්‍රතිඵලත් කල් යයි?..

පාසල් සිසුන් සඳහා සියයට 30 ක මිල අඩුකිරීමක් යටතේ අභ්‍යාස පොත් ලබාදීමට අධ්‍යාපන අමාත්‍යංශය තීරණය කර තිබෙනවා.

ඒ අනුව ඉදිරියේදී සතොස වෙළඳසැල් හරහා රජයේ මුද්‍රණ නීතිගත සංස්ථාව මුද්‍රණය කරන අභ්‍යාස පොත් පාසල් සිසුන්ට මිලදී ගත හැකි බවයි අධ්‍යාපන අමාත්‍ය සුසිල් ප්‍රේමජයන්ත මහතා පැවසුවේ.

මේ අතර උසස් පෙළ උත්තර පත්‍ර පරීක්ෂා කිරීමේ කටයුතු සඳහා තවදුරටත් ගුරුවරුන් 4,000 කගේ පමණ අඩුවක් පවතින බව ද අධ්‍යාපන අමාත්‍ය සුසිල් ප්‍රේමජයන්ත කියා සිටියා.

උසස් පෙළ උත්තර පත්‍ර පරීක්ෂා කිරීමේ කටයුතු ප්‍රමාදවීම හේතුවෙන් වසරකට සාමාන්‍යයෙන් පාසල් පැවැත්විය යුතු දින ගණන ආවරණය කර ගැනීමේ ගැටළුවක් පවතින බව ද අධ්‍යාපන අමාත්‍ය සුසිල් ප්‍රේමජයන්ත මහතා මෙහිදී වැඩිදුරටත් කියා සිටියා.