දිනීගෙයි මගේ අදහස් බොහෝ දුරට ගැලපෙනවා.එයා හොඳ හදවතක් තියන කෙල්ලෙක්. සංගීත්ගේ පෙම්වතිය දිනිතිද? (PHOTOS)
Sithumi
සංගීත් සතරසිංහ කියලා කියන්නේ යොවුන් පරපුරේ සිටින දක්ෂ සහ ජනප්‍රිය රංගන ශිල්පියෙක්.ඔහුගේ දෙමාපියන් දෙදෙනා ද රංගන ක්ෂේත්‍රය තුළ මහඟු මෙහෙවරක් සිදු කරන අතරම ඔවුන්ගේ ආභාෂය නිසාම සංගීත්ට ද තාත්වික රංගන හැකියාවක් පිහිටලා තියෙනවා.
ඔහුගේ පියා වන සුරන් සතරසිංහ බොහෝ විනෝදකාමී ජවනිකා ඇසුරෙන් රසිකයන් ගේ නොමද ආකර්ශනයට නතු ව තිබෙනවා.ඒ වගේම තමයි සංගීත්ගේ මව ද ඔහුගේ පියා මෙන් විනෝදකාමී ජවනිකා තුළ රංගනයෙන් දායක වනවා.මේ දිනවල දී ස්වර්ණවාහිනී නාලිකාවේ විකාශය වන පාරදිගෙ ටෙලි නාට්‍යයේ ඩේමියන්ගේ චරිතය ඔස්සේ ප්‍රේක්ෂකයා අතරට එන සංගීත් නිරන්තරයෙන්ම සමාජය තුළ කතා බහට ලක්වන චරිතයක්.
සංගීත් සතරසිංහ විවාහ වන්නේ කලා ක්ෂේත්‍රය තුළ සිටින දක්ෂ රංගන ශිල්පිනියක් වගේම නිරූපිකාවක් වන උදාරි කෞශල්‍යයා සමඟයි.ඔවුන් දෙදෙනා සතුටින් විවාහ ජීවිතය ගත කළත් ටික කාලයක් යන විට විවිධාකාර ගැටළු කාරී තත්වයන් හේතුවෙන් ඔවුන් දෙදෙනාට වෙන් වීමට සිදු වුණා.
මේ වන විට ඔවුන් දෙදෙනාම තනිකඩ ජීවිතයක් ගත කරන මුත් රංගන කටයුතුවල නියැළී සිටිනවා.ඉතින් පසුගිය දිනක දී ඔහු එක් වූ එක්තරා මාධ්‍ය සාකච්ඡාවකදී ඔහුගේ ආදරය සහ ජීවිතය පිළිබඳව පැවසූයේ මේ වගේ දෙයක්. “මේ දවස් වල නම් පාරදිගේ ටෙලි නාට්‍යයේ ඩේමියන්ගේ චරිතය සඳහා රංගන දායකත්වය දක්වනවා.ඩේමියන්ට හොඳ ප්‍රතිචාර රසිකයන්ගෙන් ලැබෙනවා.
ඉතින් රංගන කටයුතුවලට අමතරව මගේ අම්මත් එක්ක එකතු වෙලා රස වෑහෙන කෑම බීම හදන youtube channel එකක් කරනවා.එහෙම තමයි ඉතින් දවස් ගෙවෙන්නේ ආදරය කියලා කියන්නේ දෙදෙනාම හොඳින් තේරුම් ගැනීමයි.මම කවදහරි දෙවෙනි වතාවට විවාහ වුණොත් විවාහ වෙන්නේ මාව හොඳින් තේරුම් ගත්ත සහ අවබෝධ කරගත්තු කෙනෙක් එක්ක.ඒ වගේම තමයි සල්ලි පස්සෙම දුවන්නේ නැති නිදහසේ ඉන්න පුළුවන් කෙනෙක්ව තමයි මම බිරිද කරගන්නේ.
යහලුවෝ යෙහෙළියෝ ගොඩක් නැහැ, මෑතකදී නම් හොඳ යාළුවො ටිකක් මට හම්බ වුනා. මගේ සිතුම් පැතුම් වලට ගැලපෙනම කිහිප දෙනෙක් හම්බ වුනා. දිනී, ඇන්ජි, දෙව්නක, හසිනි ඒ අතරින් කිහිප දෙනෙක්. දිනී කිව්වේ දිනිති වල්ගම ඇන්ජි කියන්නේ කේ සුජිවාගේ ලොකු දුව අංජලි. ඒ දවස්වල දිනිතිට මාවයි මට දිනිතිවයි පෙන්න බැහැ, ඊට පස්සේ ෂැඩෝ ටෙලිනාට්‍යයේ රඟපාද්දී තමයි අපි දෙන්න අඳුරගත්තේ.
අපි සෙට් එකෙන්ම ගත්තොත් දිනිතියි මමයි එක වයසේ වගේ. දිනී සහ මගේ අදහස් බොහෝ දුරට එක හා සමානයි. ඒ නිසා අපි දෙන්නා අතර හොඳ මිත්‍රත්වයක් තියනවා. එයා මාරම කරුණාවන්ත හදවතක් තියන කෙල්ලෙක්. හොඳම යාලුවන් වෙනුවෙන් ඕනම දෙයක් කරන කෙනෙක් තමයි දිනිති කියන්නේ. අපි එකතු වුනාම ඕප දූප කතාකරනේ නැහැ, වැඩියෙන්ම කරන්න සින්දු කියන එක. එහෙමත් නැත්නම් ජිවත වලට වැදගත් දෙයක් විතරයි කතාකරන්නේ.
