මීගමුව බන්ධනාගාර ගැටුමේ සමස්ත මරණ සංඛ්‍යාව 28 දක්වා ඉහළට - ජාතික රෝහලේ ප්‍රතිකාර ලැබූ තවත් නියාමකවරයෙකුත් මියයයි

මීගමුව බන්ධනාගාර ගැටුමින් බරපතළ තුවාල ලබා කොළඹ ජාතික රෝහලට ඇතුළත් කර සිටි බන්ධනාගාර නියාමකවරයෙකු ජීවිතක්ෂයට පත්ව තිබේ.

ඒ අනුව ගැටුමින් මියගිය සමස්ත පුද්ගලයින් ගණන 28 දක්වා ඉහළ ගොස් ඇත. පසුගිය 6 වෙනිදා උදෑසන දෙවන වතාවටත් මීගමුව බන්ධනාගාරය තුළ ඇති වූ ගැටුම් හේතුවෙන් බන්ධනාගාර විශේෂ උපක්‍රමික ඒකකයේ නිලධාරීන් 7දෙනෙකුට දිවි අහිමි වුණි. ඒ බන්ධනාගාර රැඳවියන්ගේ අමානුෂික පහරදීම් හමුවේය.

ගැටුමින් තුවාල ලැබූ 100කට අධික පිරිසක් මීගමුව මහ රෝහලට ඇතුළත් කළ අතර ඉන් බරපතළ තත්ත්වයේ සිටි 20 දෙනෙකු කොළඹ ජාතික රෝහල වෙත මාරු කර යැවුණි.

මීගමුව බන්ධනාගාර ගැටුමේ තැතිගැන්ම තවමත් ඉවර නැහැ- වෙනත් බන්ධනාගාරවලට මාරු කළ රැඳවියන් දෙදෙනෙකුත් පිට පිටම මියයයි

මේ අතර, ගැටුමින් ජීවිතක්ෂයට පත්වූ බන්ධනාගාර නිලධාරීන් 7 දෙනාගේ නිසල දේහයන් වැලිකඩ බන්ධනාගාරය වෙත අවසන් ගෞරවය සඳහා අද (08) උදෑසන රැගෙන ආවේය.

ඒ එම නිලධාරීන්ගේ ඥාතීන්, සමීපතමයන් මෙන්ම ඔවුන් සමග රාජකාරි කළ සහෝදර නිලධාරීන්ගේ සෝ සුසුම් මැදිනි. අවසන් ගෞරව දැක්වීමෙන් පසු දේහයන් පවුලේ ඥාතීන් වෙත භාරදෙනු ලැබීය.