කැනඩාවට යන්න සිහින දකින ශ්‍රී ලාංකිකයින්ට සුබ ආරංචියක්- Express Entry යටතේ ප්‍රමුඛතාව හිමිවන රැකියා ක්ෂේත්‍ර මෙන්න

Report

කැනඩාවේ ආර්ථිකය ශක්තිමත් කිරීම සහ ප්‍රධාන ක්ෂේත්‍ර කිහිපයක පවතින ශ්‍රමික හිඟය පියවීමේ අරමුණින්, විදේශීය පුහුණු ශ්‍රමිකයින් බඳවා ගැනීම සඳහා ප්‍රමුඛත්වය ලබාදෙන වෘත්තීය ක්ෂේත්‍ර කිහිපයක් කැනඩාව විසින් ප්‍රකාශයට පත් කර තිබේ.

කැනඩාවේ ආගමන, සරණාගත හා පුරවැසිභාවය පිළිබඳ දෙපාර්තමේන්තුව (IRCC) නිවේදනයක් නිකුත් කරමින් සඳහන් කර ඇත්තේ, සිය Express Entry ආගමන ක්‍රමවේදය යටතේ විවිධ ක්ෂේත්‍රවල පළපුරුදු වෘත්තිකයින් ආකර්ෂණය කර ගැනීමට අපේක්ෂා කරන බවයි.

ඒ අනුව, සෞඛ්‍ය හා සමාජ සේවා ක්ෂේත්‍රයේ වෘත්තිකයින්, නිපුණතා පදනම් කරගත් කාර්මික වෘත්තීන්හි නියුතු පුද්ගලයින්, අධ්‍යාපන ක්ෂේත්‍රයේ වෘත්තිකයින්, විද්‍යා, තාක්ෂණ, ඉංජිනේරු හා ගණිත (STEM) ක්ෂේත්‍රවල සේවකයින් මෙන්ම ප්‍රවාහන ක්ෂේත්‍රයේ වෘත්තිකයින්ට මෙහිදී ප්‍රමුඛත්වය හිමිවනු ඇත.

මීට අමතරව, කැනඩාවේ සේවා පළපුරුද්ද සහිත වෛද්‍යවරුන්, පර්යේෂකයින් සහ ඉහළ කළමනාකරණ තනතුරු දරන වෘත්තිකයින් සඳහා ද අවස්ථා පවතින බව එම නිවේදනයේ දැක්වේ.

ලංකාවට සුනාමියක්ද? ඉන්දුනීසියාවට ආසන්න මුහුදේ ඇතිවූ ප්‍රබල භූ කම්පන‍යෙන් ලංකාවම සලිත වෙයි - විශේෂ නිවේදනයක්

ලංකාවට සුනාමියක්ද? ඉන්දුනීසියාවට ආසන්න මුහුදේ ඇතිවූ ප්‍රබල භූ කම්පන‍යෙන් ලංකාවම සලිත වෙයි - විශේෂ නිවේදනයක්

එසේම, ප්‍රංශ භාෂා ප්‍රවීණතාවයක් සහිත පුද්ගලයින් ද Express Entry ක්‍රමවේදය යටතේ ප්‍රමුඛතා කාණ්ඩයක් ලෙස හඳුනාගෙන තිබේ. කැනඩාවේ පවතින ශ්‍රම බලකායට අනුපූරක වන දක්ෂ වෘත්තිකයින් ආකර්ෂණය කර ගැනීම සහ ආර්ථිකයේ වැදගත් ක්ෂේත්‍රවල පවතින සේවක හිඟය අවම කිරීම මෙම වැඩසටහනේ ප්‍රධාන අරමුණ බව IRCC සඳහන් කරයි.

Express Entry යනු කැනඩාවේ ස්ථිර පදිංචිය අපේක්ෂා කරන පුහුණු ශ්‍රමිකයින්ගේ ආගමන අයදුම්පත් කළමනාකරණය කිරීම සඳහා භාවිත කරන ක්‍රමවේදයකි. ඒ යටතේ විශේෂිත වෘත්තීය සුදුසුකම්, සේවා පළපුරුද්ද හෝ භාෂා හැකියාවන් සහිත සුදුසුකම්ලත් අයදුම්කරුවන්ට ස්ථිර පදිංචිය සඳහා අයදුම් කිරීමට ආරාධනා ලැබිය හැකිය.

මෙම වැඩපිළිවෙළ කැනඩාවේ රැකියා සහ පදිංචි අවස්ථා අපේක්ෂා කරන ශ්‍රී ලාංකික පුහුණු වෘත්තිකයින්ට ද වැදගත් අවස්ථාවක් වන අතර, ඒ සඳහා අදාළ සුදුසුකම් සහ ආගමන නීතිරීති සපුරාලීම අනිවාර්ය වේ.

Express Entry ක්‍රමවේදය යටතේ ක්‍රියාත්මක වන ප්‍රමුඛතා වෘත්තීය කාණ්ඩ සහ අයදුම් කිරීමේ ක්‍රියාවලිය පිළිබඳ වැඩිදුර තොරතුරු කැනඩාවේ නිල ආගමන දෙපාර්තමේන්තු වෙබ් අඩවියෙන් ලබාගත හැකිය.

 official IRCC website

මේ ලග්නවලට අද හදිසි ධන ලාභ සහ අලුත් ආදායම් මාර්ග පෑදෙන ඉතා වාසනාවන්ත දවසක්

මේ ලග්නවලට අද හදිසි ධන ලාභ සහ අලුත් ආදායම් මාර්ග පෑදෙන ඉතා වාසනාවන්ත දවසක්