කොන්දොස්තරලා නැතිව බස් දුවන ක්‍රමයක් හඳුන්වාදෙන්න යයි

ඉදිරියේදී කොන්දොස්තරවරුන් නොමැතිව බස්රථ ධාවනයට අවශ්‍ය පනත් සංශෝධන සිදුකරමින් සිටින බව ප්‍රවාහන අමාත්‍ය දිලුම් අමුණුගම මහතා අද (15) පැවසීය. එමෙන්ම බස්රථ සඳහාගමන් කාඩ්පත හඳුන්වාදීම ලබන 27 වැනිදා සිදුකරන බව ද ඇමතිවරයා කීවේය.

එමගින් පාරිභෝගිකයාට ඉතුරු මුදල් ලබාගැනීම සම්බන්ධයෙන් පවතින ගැටලු විසඳෙනු ඇතැයි ඇමතිවරයා සඳහන් කළේය. අමාත්‍යවරයා මේ බව සඳහන් කළේ රජයේ ප්‍රවෘත්ති දෙපාර්තමේන්තුවේ දී අද (15) පැවති කැබිනට් තීරණ දැනුම්දීමේ මාධ්‍ය හමුවට එක්වෙමිනි

. එමෙන්ම ජනතාවට බලපාන බහාලුම් ප්‍රවාහන රථ, ත්‍රිරෝද රථ ආදියේත් ගාස්තු නියාමනයට ද කටයුතු කරමින් සිටින බව ඇමතිවරයා පැවසීය.