ප්‍රබල ඇමැතිලා හයකගේ වත්කම් ගැන පැමිණිලි කළ පැමිණිලිකරුත් අල්ලස් කොමිසමට කැඳවලා

වත්මන් රජයේ ඇමැතිවරුන් 06 දෙනකුගේ වත්කම් සම්බන්ධයෙන් ලැබී ඇති පැමිණිල්ලකට අදාළව, අල්ලස් කොමිසම ඊයේ (30දා) දින පැමිණිලිකරුගෙන් පැය තුනකට අධික කාලයක් ප්‍රකාශ ලබාගෙන තිබෙන බව වාර්තා වේ.

ඒ අනුව වත්මන් රජයේ කැබිනට් ඇමැතිවරුන් පස්දෙනකු සහ එක් නියෝජ්‍ය ඇමැතිවරයකු වත්කම් සොයාගත් ආකාරය සම්බන්ධයෙන් පරීක්ෂණයක් කරන මෙන් ඉල්ලා ‘අල්ලස දූෂණය නාස්තියට විරුද්ධව පුරවැසි බලය’ සංවිධානයේ සභාපති, ජාමුනි කමන්ත තුෂාර මහතා කළ පැමිණිල්ලට අදාළව මෙසේ ප්‍රකාශ ලබාගෙන තිබෙනවා.

පැමිණිල්ල මඟින් අල්ලස් කොමිසමෙන් ඉල්ලා ඇත්තේ කැබිනට් ඇමැතිවරුන් වන, බිමල් රත්නායක, වසන්ත සමරසිංහ, කුමාර ජයකොඩි, සුනිල් හඳුන්නෙත්ති, නලින්ද ජයතිස්ස යන මහත්වරුන්ද නියෝජ්‍ය ඇමැති සුනිල් වටගල මහතා ද වත්කම් උපයාගත් ආකාරය සම්බන්ධයෙන් අයථා වත්කම් පරීක්ෂණයක් කරන ලෙසයි.

මාලිමාව නියෝජනය කරන ලොක්කෙක් හිටි හැටියේ ඉල්ලා අස් වෙයි - හේතුව මෙන්න

ඒ අනුව අඳාළ පැමිණිල්ල ගැන කළ කැඳවීමට අනුව ඊයේ (30) දින අල්ලස් කොමිසම වෙත ප්‍රකාශ ලබා දීමෙන් පසුව ජාමුනි කමන්ත තුෂාර මහතා මෙසේ සඳහන් කළා.

“අල්ලස් කොමිසම මෙම පැමිණිල්ල සම්බන්ධයෙන් ස්වාධීන පරීක්ෂණයක් කරනු ඇතැයි විශ්වාස කරනවා. ඒ වගේම මේ ඇමැතිවරුන්ගෙන් මේ පිළිබඳව ප්‍රකාශ ගනී කියාත් විශ්වාසයක් තිබෙනවා. ඇමැතිවරුන්ගේ වත්කම් සම්බන්ධයෙන් මීට පෙර කර තිබූ ප්‍රකාශ පිළිබඳව ජනතාවගේ පවතින විශ්වාසය පළුදු නොකර කටයුතු කිරීම ඔවුන්ගේ කාර්යයක්. දූෂණ විරෝධී පනත අනුව වත්කම් උපයා ඇත්තේ කුමනාකාරයෙන්ද, ඔවුන් පැවසූ කරුණු සත්‍යයද, වංචනිකව වත්කම් පෙන්වා ඉදිරියේදී තවත් අයථා උපයා ගැනීම්වලට පෙලඹේදැයි සැකයක් තිබෙනවා." 

ජොන්ස්ටන් ආ ගිය අතක් නෑ - හොයන්න පොලිස් කණ්ඩායම් විශේෂ පහක් යොදවයි

නගර සභාවේ වතුර සෙල්ලම් දාපු අයට වැඩ වරදී - විපක්ෂ මන්ත්‍රීවරියක් ඇතුළු 5ක් අත්අඩංගුවට