ලංකා බැංකුවේ ආරක්ෂක පද්ධති බිද වැටීමක්ද? බැංකු පද්ධතිය හා බැංකු Apps ගැන ලංකා බැංකුවෙන් නිවේදනයක්

ලංකා බැංකුව විසින් ලංකා බැංකුවේ ඩිජිටල් බැංකු පහසුකම් ඔස්සේ සිදු කර ඇති ගනුදෙනු කිහිපයක් සම්බන්ධයෙන් මෑතකදී සමාජ මාධ්‍ය ඔස්සේ පළ වූ වාර්තා පිළිබඳව කරුණු පැහැදිලි කරමින් විශේෂ නිවේදනයක් නිකුත් කර ඇත.

අදාළ ගනුදෙනු කිසිසේත්ම සිය බැංකු පද්ධතිවල හෝ ඩිජිටල් බැංකු යෙදුම්වල (Digital Banking Apps) කිසිදු ආරක්ෂක බිඳවැටීමක්, අනවසර ප්‍රවේශයක් හෝ තාක්ෂණික දෝෂයක් හේතුවෙන් සිදු වූ ඒවා නොවන බව එම නිවේදනය මඟින් ලංකා බැංකුව අවධාරණය කරයි.

ආදායම් බලපත්‍ර නිකුත් කිරීම අත්හිටුවයි - ඉලෙක්ට්‍රොනික ආදායම් බලපත්‍ර පද්ධතියේ හදිසි වෙනසක්

ලංකා බැංකුව වැඩිදුරටත් පෙන්වා දෙන්නේ අදාළ ගනුදෙනු සිදු කිරීම සඳහා අවශ්‍ය අන්තර්ජාල බැංකුකරණ පිවිසුම් තොරතුරු සහ ලියාපදිංචි දුරකථන අංක වෙත ලැබෙන එක්වරක් පමණක් භාවිත කළ හැකි මුරපද (OTP) නිසි පරිදි භාවිත කරමින් එම ගනුදෙනු සත්‍යාපනය කර ඇති බවයි.

මේ හේතුවෙන් තම බැංකු ගනුදෙනු සුරක්ෂිතව සිදු කර ගැනීම සඳහා පහත සඳහන් ආරක්ෂක උපදෙස් අනිවාර්යයෙන්ම පිළිපදින ලෙස ලංකා බැංකුව සියලුම ගනුදෙනුකරුවන්ගෙන් යළිත් ඉල්ලා ඇත.

විදේශයක රැකියා කරන්න ඉන්න ජනතාවට අනතුරු ඇඟවීමක් - විදේශ සේවා නියුක්ති කාර්යාංශය නමින් දරුණු වංචාවක්

ඒ අනුව,

• කෙටි පණිවිඩ (SMS), විද්‍යුත් තැපෑල (Email), WhatsApp, සමාජ මාධ්‍ය හෝ වෙනත් ඕනෑම මාධ්‍යයක් ඔස්සේ ලැබෙන නොදන්නා හෝ සැක සහිත සබැඳි (Links) කිසිවිටෙකත් විවෘත නොකිරීම.
• තම පරිශීලක නාමය (Username), මුරපදය, OTP අංකය, රහස්‍ය අංකය (PIN), කාඩ්පත් තොරතුරු හෝ වෙනත් කිසිදු රහස්‍ය බැංකු තොරතුරක් කිසිදු තෙවන පාර්ශ්වයක් සමඟ බෙදා නොගැනීම.
• දුරකථන ඇමතුම්, SMS, විද්‍යුත් තැපෑල, සමාජ මාධ්‍ය හෝ වෙබ් සබැඳි ඔස්සේ ගනුදෙනුකරුවන්ගේ මුරපදය, PIN අංකය හෝ OTP අංක ලංකා බැංකුව විසින් කිසිදු විටෙක ඉල්ලා නොසිටින බව සිහි තබා ගැනීම.

රියදුරු බලපත්‍ර අපේක්ෂාවෙන් ඉන්න අයට විශේෂ නිවේදනයක් - අද සිට විශේෂ ක්‍රමවේදයක් ඔස්සේ ආරම්භයි

යම් හෙයකින් සැක සහිත පණිවිඩයක් ලැබුණහොත් හෝ තම බැංකු තොරතුරු අනවසර පාර්ශ්වයක් විසින් ලබාගෙන ඇතැයි සැකයක් මතුවුවහොත්, වහාම ලංකා බැංකුවේ නිල සන්නිවේදන මාර්ග ඔස්සේ බැංකුව අමතන ලෙස ද දැනුම් දෙයි.

එසේම නිවැරදි හා විශ්වාසනීය තොරතුරු සඳහා සැමවිටම ලංකා බැංකුවේ නිල සන්නිවේදන මාර්ග ඔස්සේ නිකුත් කෙරෙන නිවේදන පමණක් විශ්වාස කරන ලෙස බැංකුව මහජනතාවගෙන් වැඩිදුරටත් ඉල්ලා සිටී.