ආයෝජකයන්ට සුබ ආරංචියක් - බැංකු අංශයේ ගනුදෙනු ඉහළ යාමත් සමඟ කොටස් වෙළෙඳපොළ දර්ශක ඉහළ යයි

අද (03) දහවල් වන විට ශ්‍රී ලංකා කොළඹ කොටස් වෙළෙඳපොළේ ප්‍රධාන දර්ශක ඉහළ ගොස් ඇති බව කොළඹ කොටස් වෙළෙඳපොළේ දත්ත පෙන්වා දෙයි.

ඒ අනුව, සමස්ත කොටස් මිල දර්ශකය (ASPI) ලකුණු 76.41කින් හෙවත් සියයට 0.36කින් ඉහළ ගොස් ලකුණු 21,205.62ක් ලෙස සටහන් වූ අතර, වැඩි ද්‍රවශීලතාවක් සහිත S&P SL20 දර්ශකය ද ලකුණු 22.31කින් හෙවත් සියයට 0.38කින් ඉහළ ගොස් ලකුණු 5,962.29ක් ලෙස වාර්තා විය.

අග්‍ර ඔයේ ජල මට්ටම ඉහළ යාමේ අවදානමක් - පහත්බිම් ජනතාවට විශේෂ අනතුරු ඇඟවීමක්

ASPI දර්ශකයේ ඉහළ යාම සඳහා හැටන් නැෂනල් බැංකුව, ජෝන් කීල්ස් හෝල්ඩිංග්ස්, පීජීපී ග්ලාස් සීලෝන්, ඩිජිටල් මොබිලිටි සොලූෂන්ස් ලංකා සහ මෙල්ස්ටාකෝප් යන සමාගම්වල කොටස් මිල ඉහළ යාම ප්‍රධාන වශයෙන් බලපා ඇත.

මේ අතර, SMB ෆිනෑන්ස්, ශ්‍රී ලංකා ටෙලිකොම් සහ සම්පත් බැංකුවේ කොටස් මිල පහළ යාම දර්ශකයට ඍණාත්මක බලපෑමක් එල්ල කළේය. අද දහවල් වන විට සමස්ත වෙළෙඳපොළ පිරිවැටුම රුපියල් මිලියන 314ක් ලෙස වාර්තා වූ අතර, ඉන් රුපියල් මිලියන 122.7ක ගනුදෙනු සමඟ බැංකු අංශය වැඩිම පිරිවැටුමක් වාර්තා කළේය.

රියදුරන්ට විශේෂ නිවේදනයක් - මාර්ගයට ගල් පෙරළීමෙන් මෙම මාර්ගය වසා දැමෙයි

මේ අතර, ආසියා ඇසට් ෆයිනෑන්ස් සමාගම නිවේදනය කළේ තම පරිවර්තනය කළ හැකි වසර පහක ආපසු නොගෙවිය යුතු මනාප කොටස් මිලියන 41.39ක් අගෝස්තු 10 වැනිදා සාමාන්‍ය ඡන්ද හිමි කොටස් මිලියන 53.35ක් බවට පරිවර්තනය කරන බවයි.

එක් කොටසක් සඳහා පරිවර්තන මිල රුපියල් 7.76ක් ලෙස නියම කර ඇත. මනාප කොටස් ගනුදෙනු කිරීමේ අවසන් දිනය අගෝස්තු 6 වන අතර, පරිවර්තනය කරන ලද සාමාන්‍ය කොටස්වල ගනුදෙනු සැප්තැම්බර් 16 වැනිදා ආරම්භ කිරීමට නියමිතය.

ආසියා ඇසට් ෆයිනෑන්ස් සමාගමේ කොටසක මිල ද අද (03) දහවල් වන විට සියයට 0.19කින් ඉහළ ගොස් රුපියල් 52.30ක් ලෙස සටහන් වී තිබුණි.

රස නහර පිනා යන අත්දැකීමක් විඳගන්න ඔබත් Reecha Food Festival මහා ආහාර සැණකෙළියට එන්න...