රට පුරා ඉන්ෆ්ලුවෙන්සා ව්‍යාප්ත වෙයි - ආසාදිතයින් ගණන ඉහළටම

වසංගත රෝග විද්‍යා අංශය අනාවරණය කරන්නේ දිවයින පුරා ඉන්ෆ්ලුවෙන්සා ආසාදිතයින්ගේ සංඛ්‍යාව ඉහළ යමින් පවතින බවයි. සෞඛ්‍ය බලධාරීන් මහජනතාවගෙන් ඉල්ලා සිටින්නේ රෝගය පැතිර යාම පාලනය කිරීම සඳහා සරල පූර්වාරක්ෂිත පියවර අනුගමනය කරමින් අවධානයෙන් පසුවන ලෙසයි.

වසංගත රෝග විද්‍යා අංශයේ ප්‍රජා විශේෂඥ වෛද්‍ය සහ ඉන්ෆ්ලුවෙන්සා පිළිබඳ සම්බන්ධීකාරක වෛද්‍ය ජීවතරන් හම්සානන්ති පුවත්පතකට අදහස් දක්වමින් සඳහන් කර ඇත්තේ දිවයින පුරා පිහිටි රෝහල් හරහා ඉන්ෆ්ලුවෙන්සා රෝගීන් පිළිබඳව සොයා බලන අතර, සෞඛ්‍ය සේවා ප්‍රතිචාරයන් නියාමනය කිරීම සඳහා එම තොරතුරු සතිපතා වෛද්‍යවරුන් සහ ප්‍රාදේශීය සෞඛ්‍ය බලධාරීන් වෙත ලබා දෙන බවයි.

ලාෆ් ගෑස් සහ ලිට්‍රෝ ගෑස් සමාගමෙන් විශේෂ නිවේදනයක් - රටේ ගෑස් හිඟයට විසඳුම්

වැඩිදුරටත් අදහස් දැක්වූ වෛද්‍ය හම්සානන්ති,

"දැනට ඉන්ෆ්ලුවෙන්සා රෝගීන්ගේ ඉහළ යාමක් දක්නට ලැබෙනවා. රෝගීන් වැඩිවීමක් පෙන්නුම් කළත්, ආසාදනය වැළැක්වීමේ පියවරයන් අනුගමනය කිරීම ඉතාමත් වැදගත්, කොවිඩ්-19 සමයේදී මෙන්, රෝගය පාලනය කර ගැනීමට සහ වැළැක්වීමට පුද්ගලික සහ ශ්වසන සෞඛ්‍යාරක්ෂිත ක්‍රමවේද අනුගමනය කළ යුතුයි. වසංගත සමයේ මෙන් හැසිරීම් රටාවේ පූර්වාරක්ෂිත පියවරයන් පවත්වා ගන්නේ නම් රෝගය සීඝ්‍රයෙන් පැතිරීම වළක්වා ගත හැකියි. ශ්වසන පද්ධතියේ ආසාදන ලක්ෂණ ඇති ඕනෑම අයෙකු මුඛ ආවරණයක් (Mask) පැළඳ සිටින ලෙස අපි සාමාන්‍යයෙන් උපදෙස් දෙනවා. කොවිඩ් කාලයේදී මෙන් සෑම දෙනාම මුඛ ආවරණ පැළඳීමට වඩා, රෝග ලක්ෂණ ඇති අය අන් අයට රෝගය බෝවීම වැළැක්වීම සඳහා පුද්ගලික ආරක්ෂිත පියවරක් ලෙස මුඛ ආවරණ පැළඳිය යුතුයි."

බොලිවුඩ් නළු ටයිගර් ෂෙරෝෆ්ට වෙඩි තබයි - වාහනයට තිදෙනෙක් වෙඩි පිට වෙඩි තබයි

ඇය වැඩිදුරටත් පැවසුවේ එසේම, 'ඔසෙල්ටමිවිර්' (Oseltamivir) නමැති ප්‍රතිවයිරස ඖෂධය (Antiviral) වෛද්‍ය සැපයුම් අංශය සහ ප්‍රාදේශීය වෛද්‍ය සැපයුම් අංශ හරහා රෝහල්වල පවතින බවයි. "මෙම ඖෂධය ලබා දිය යුත්තේ විශේෂඥ වෛද්‍යවරුන්, ළමා රෝග විශේෂඥයින් හෝ කායික රෝග වෛද්‍යවරුන්ගේ වෛද්‍ය නිර්දේශ මත පමණයි.

වෛද්‍ය නිර්දේශයකින් තොරව ෆාමසිවලින් මෙය මිලදී ගැනීමට නොහැකියි." ඇය පැහැදිලි කළේ වෛද්‍ය සායනික නිරීක්ෂණය මත පදනම්ව පැය 24 ක් ඇතුළත මෙම ප්‍රතිකාර ආරම්භ කරන බවත් ගර්භණී මාතාවන් සහ දීර්ඝකාලීන රෝගවලින් පෙළෙන පුද්ගලයින් වැනි අධි අවදානම් සහිත රෝගීන් නිසි ලෙස ඇගයීමට ලක්කර, අවශ්‍ය නම් රෝහල්ගත කර විශේෂඥ වෛද්‍යවරුන් ලවා පරීක්ෂා කිරීමෙන් පසුව ඖෂධ නියම කරන බවයි. තවද, විධිමත් ක්‍රමයකට තොරව ප්‍රතිවයිරස ඖෂධ භාවිත කිරීමෙන් කිසිදු යහපතක් සිදු නොවන අතර එමඟින් ඖෂධ ප්‍රතිරෝධීතාවයක් (Drug resistance) ඇති විය හැකි බවට ද ඇය අනතුරු ඇඟවූවා.

බොලිවුඩ් නළු ටයිගර් ෂෙරෝෆ්ට වෙඩි තබයි - වාහනයට තිදෙනෙක් වෙඩි පිට වෙඩි තබයි

වසංගත රෝග විද්‍යා අංශය ප්‍රතිකාර මාර්ගෝපදේශ හරහා මෙම ඖෂධය නියාමනය කරන අතර ලබා දීමට පෙර ඖෂධ භාවිත වාර්තා පරීක්ෂා කරනු ලබයි. ඉන්ෆ්ලුවෙන්සා එන්නත පෞද්ගලික අංශයේ ලබා ගැනීමට තිබුණද, එය ශ්‍රී ලංකාවේ ජාතික එන්නත්කරණ වැඩසටහනට ඇතුළත් නොවන අතර වෛද්‍ය හම්සානන්ති සඳහන් කළේ අධි අවදානම් සහිත පුද්ගලයින් සහ විදේශගත වන පුද්ගලයින් සාමාන්‍යයෙන් පෞද්ගලික අංශයෙන් මෙම එන්නත ලබා ගන්නා බවයි.