කළකට පසු තවත් හඬපට හුටපටයක් ලීක් කරගනී..(VIDEO)

ගුරු විදුහල්පති වැඩ වර්ජනය ක්‍රියාත්මක වන මොහොතක එය නොතකා සිසුන් සඳහා මාර්ගගත ක්‍රමවේදය මත ඔස්සේ ඉගැන්වීමේ යෙදෙන ගුරුවරුන්ට තර්ජන කරමින් ඇතැයි ශ්‍රී ලංකා පොදුජන අධ්‍යාපන සේවා සංගමය කියා සිටී.

ගුරු වෘත්තීය සංගම්වල නායකයන් විසින් අධ්‍යාපන කටයුතු වල ඉගැන්වීම් කටයුතුවල යෙදෙන ගුරුවරුන්ටත් තර්ජනය කරන ලද හඬ පට ද ඔවුන් විසින් මාධ්‍ය වෙත ඉදිරිපත් කරන ලදී. එක්තරා ගුරු සංගමයක නායකත්වය දරන භික්ෂූන් වහන්සේ නමක් අසභ්‍ය වචනයෙන් බැණ වදින හඬ පටයක් ද එම සංවිධාන විසින් මාධ්‍ය වෙත ඉදිරිපත් කරන ලදී.

කොළඹ පැවති මාධ්‍ය හමුවකදී ඔවුන් විසින් මෙම හෙලිදරවු කලහ.

මේ අතර වැටුප් විෂමතා මුල් කරගනිමින් ආරම්භ වු ගුරු විදුහල්පති වෘත්තීය අරගලය අරඹා අදට දින 75 ක්. සිය ඉල්ලීම් දිනා ගනිමින් වෘත්තීය අරගලය ඉක්මණින් අවසන් කිරීමට නම් රටේ සියලු ගුරුවරුන් මෙම ක්‍රියාමාර්ගයට සහය පළකල යුතු බව ලංකා ගුරුසේවා සංගමය අවධාරණය කරනවා.

ගුරු විදුහල්පති ක්ෂේත්‍රයේ සියලුදෙනාටම ඉල්ලීම් දිනා ගැනීමේ අවශ්‍යතාව පැවතියද, මෙම වෘත්තීය අරගලය සදහා ඇතැම් ගුරුවරුන්ගේ සක්‍රීය දායතක්වය ඉතා අඩු මට්ටමක පවතින බවයි ලංකා ගුරුසේවා සංගමයේ ප්‍රධාන ලේකම් මහින්ද ජයසිංහ මහතා ඊයේ පෙරවරුවේ සමාජ මාධ්‍ය ඔස්සේ අදහස් දක්වමින් පැවසුවේ.