'වීසා ඒකාග්‍රතා ගාස්තුව' ලෙස අමෙරිකාවෙන් නව වීසා ගාස්තුවක්

ට්‍රම්ප් පරිපාලනය විසින් සම්මත කරන ලද නව දේශීය ප්‍රතිපත්ති පනතකට අනුව, එක්සත් ජනපදයට පැමිණෙන ජාත්‍යන්තර සංචාරකයින් සඳහා අවම වශයෙන් ඩොලර් 250ක (රුපියල් 75,000) නව ගාස්තුවක් හඳුන්වාදීමට නියමිතය.

“වීසා ඒකාග්‍රතා ගාස්තුව” ලෙස හඳුන්වන මෙම ගාස්තුව, දැනට පවතින වීසා ගාස්තුවලට අමතරව ගෙවිය යුතු වේ.

මෙම නව ගාස්තුව එක්සත් ජනපදයට ඇතුළු වීම සඳහා සංක්‍රමණික නොවන වීසා බලපත්‍රයක් ලබා ගත යුතු සියලුම විදේශීය සංචාරකයින්ට අනිවාර්ය වනු ඇත.

මෙයට විනෝදාස්වාදය, ව්‍යාපාරික කටයුතු සඳහා පැමිණෙන සංචාරකයින්, ජාත්‍යන්තර සිසුන් මෙන්ම අනෙකුත් තාවකාලික සංචාරකයින් ද ඇතුළත් වේ.

රාජ්‍ය දෙපාර්තමේන්තුවේ දත්තවලට අනුව, 2024 මූල්‍ය වර්ෂය තුළ එක්සත් ජනපදය විසින් සංක්‍රමණික නොවන වීසා බලපත්‍ර මිලියන 11කට ආසන්න සංඛ්‍යාවක් නිකුත් කර ඇත.

පාසල් වලට විතරක් නෙවෙයි පෙරපාසල් වලටත් විෂය නිර්දේශයක්

ඕස්ට්‍රේලියාව සහ බොහෝ යුරෝපීය රටවල් ඇතුළත් වීසා නිදහස් කිරීමේ වැඩසටහනේ (Visa Waiver Program) සාමාජික රටවලින් පැමිණෙන සංචාරකයින් හා ව්‍යාපාරිකයින් සඳහා දින 90ක් හෝ ඊට අඩු කාලයකට වීසා ලබා ගැනීම අනිවාර්ය නොවේ.

කෙසේ වුවත්, එම වැඩසටහනට අදාළ ඉලෙක්ට්‍රොනික සංචාරක අවසර පද්ධතියේ (ESTA) ගාස්තු ද ඉහළ නැංවීමට සැලසුම් කර ඇති අතර, නව පනතට අනුව එම ගාස්තුව දැනට පවතින මුදල මෙන් දෙගුණයකට ආසන්න වන ඩොලර් 40ක අවම මට්ටමකට වැඩි වනු ඇතැයි අපේක්ෂිතය.

දරුවාගේ අනාගතය වෙනස්වෙයි - නව අධ්‍යාපන ප්‍රතිසංස්කරණය මෙන්න