නාදුනන පාතාලයා සහ සුරූපී නිළියගේ රහස්‍ය ඡායාරූප ලීක්වෙයි..කිසිවෙක් නොදුන් දේකිනුත් නිලියට තෑගි.(PHOTOS)

Police Indian Gossips Cinerma High court Jakleen
By Aruna Dec 06, 2021 04:51 AM GMT
Aruna

Aruna

Report

ශ්‍රී ලාංකික සම්භවය ඇති බොලිවුඩ් නිළි ජැක්ලින් ෆර්නැන්ඩස් ඉන්දියාවේ මුදල් විශුද්ධිකරණ නඩුවක බරපතල සැකකාරියක බවට ඊයේ (5) පත්වූ අතර ඇයට රටින් පිටවයාමද අධිකරණය මගින් තහනම් කරන ලදි.

දිල්ලියේ තිහාර් බන්ධනාගාරයේ රඳවා සිටින සිරකරුවෙකු වන පාතාල නායක සුකේෂ් චන්ද්‍රසේකර් විසින් රුපියල් කෝටි 200 ක කප්පම් ගැනීමේ නඩුවකට අදාළව ජැක්ලින් පසුගිය කාලයේ අවස්ථා කිහිපයකදී ප්‍රශ්න කිරීමට ලක්වූ අතර ඇය ඒ සෑම අවස්ථාවකම සුකේෂ් හා තමා අතර විශේෂ ගනුදෙනුවක් සිදුනොවූ බවටත් ඔහුව හරිහැටි අඳුනන්නේ නැති බවත් දන්වා තිබුණි.

නමුත් මෙම නඩුවේ ඇය බොරු සාක්ෂි ලබාදී ඇති බවට අද හෙළිව ඇත්තේ ඔහුත් ඇයත් කාලයක් පෙම්වතුන්ව සිටි බවටත් තෑගි බෝග හුවමාරු කරගෙන ඇති බවටත් මුල්‍ය වංචා බලාත්මක අධ්‍යක්ෂ මණ්ඩලය සාක්ෂි සහිතව කරුණු අධිකරණයට ඉදිරිපත්කළ නිසාය.

බොලිවුඩ් නිළි ජැකලින් ෆර්නැන්ඩස් ප්‍රසංගයකට සහභාගි වීමට විදේශගත වීමට සූදානමින් සිටි මුත් අධිකරණ නියෝගය නිසා ඉරිදා සවස මුම්බායි ගුවන් තොටුපළේදී ඇයව නතර කෙරිණි.

කෝටි 200 ක මුදල් විශුද්ධිකරණ නඩුව සම්බන්ධයෙන් විමර්ශනය කරන බලාත්මක අධ්‍යක්ෂ මණ්ඩලය (ED) ඇයට එරෙහි වාරණ නියෝගයක් ලබාගෙන තිබුණි.

ඔවුන් පාතාල නායක සුකේෂ්ගේ පෙම්වතිය ලෙස ජැකලින් සිටි බවට චෝදනා එල්ල කළ අතර මේ කාලය තුළ ඔහු ජැකලින්ට මිල අධික තෑගි රැසක් ද ලබා දී ඇති බවට කරුනු ගෙන එන ලදි.

ජැකලින්ට රුපියල් ලක්ෂ 52ක් වටිනා අශ්වයෙකු සහ පර්සියානු බළලුන් හතර දෙනෙකු, රුපියල් ලක්ෂ 9ක බළලෙකු තෑගි කළ බව චන්ද්‍රසේකර් ප්‍රශ්න කිරීමේදී හෙළි කළ බවද පැවසේ.

ඔහු ඉතා සමීපව සිටින බවට ඡායාරූප ඇතුළු සාක්ෂි රැසක් ED වෙත ලැබී තිබේ.

විත්තිකරුගේ දුරකථනයේ තිබී ජැකලින් ඔහු සමඟ සමීපව අසභ්‍ය ආකාරයෙන් සිටින ආකාරය දැක්වෙන පින්තූරද හමු විය. ඒ නිසාම නිළිය ගැන දැඩි සෝදිසියක් තිබී ඇත.

සුකේෂ්ගේ ගනුදෙනු සම්බන්ධ ජැක්ලින් කරුණු දැනදැනත් ඔහුව ආරක්ෂාකිරීම නිසා ගැටලුවක් මතුව තිබේ.

මේ ගැන අගෝස්තු මාසයේදීත් ජැකලින්ගෙන් ප්‍රශ්න කර ඇති මුත් ඇය හැමවිටම කියා ඇත්තේ සුකේෂ්ව නාඳුනන බවයි.

මෙම නඩුවේ සුකේෂ් චන්ද්‍රශේකර්, ඔහුගේ බිරිඳ ලීනා මාරියා පෝල් සහ තවත් හය දෙනෙකුට එරෙහිව ED විසින් පිටු 7,000 කින් යුත් චෝදනා පත්‍රයක් ගොනු කර ඇත.


සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... 
Join now


GalleryGalleryGalleryGalleryGalleryGalleryGalleryGalleryGalleryGalleryGalleryGallery