ගල්අඟුරු ප්රවාහන නෞකාවකට හුතී මිසයිල ප්රහාරයක්...
රතු මුහුදේ දී ගල් අඟුරු ප්රවාහන ග්රීක නෞකාවකට හූති මිසයිල ප්රහාරයක් එල්ලවන අයුරු දැක්වෙන වීඩියෝවක් විදෙස් මාධ්ය වාර්තා කර ඇති අතර එම ප්රහාරය එල්ල වී තිබුණේ යේමනයේ හුදෙයිදා වරායට ඔබ්බෙන් වූ මුහුදේ දී ය.
කෙසේවෙතත්, විදෙස් මාධ්ය වාර්තා කර ඇත්තේ, මීට සතියකට පමණ පෙර එල්ල වූ ප්රහාරයෙන්, නෞකාව මේ වනවිට සම්පූර්ණයෙන් ගිලී ගොස් ඇති බවයි.
නමුත්, ප්රහාරය එල්ලවන අවස්ථාවේ දි එහි කාර්යමණ්ඩල සේවකයින් විසි දෙදෙනෙකු පමණ සිට තිබූ අතර ඔවුන් සියලුදෙනා පිලිපීන ජාතිකයින් බවත් ඉන් අයෙකු ප්රහාරයෙන් මියගොස් ඇති අතර සෙසු පිරිස ගුවන් මඟින් මුදාගැනීමට අමෙරිකානු නාවික හමුදාව පියවර ගෙන තිබු බවත් වාර්තා වේ.
හූති ප්රහාරයකින් ගිලී ගිය දෙවන නෞකාව මෙය වන අතර, පසුගිය වසරේ නොවැම්බර් මාසයේ දී යේමනයේ හූති සංවිධානය රතුමුහුදේ වාණිජ නෞකා ඉලක්ක කරමින් ප්රහාර එල්ල කිරීම ආරම්භ කළේ පලස්තීනයට සහාය දැක්වීමක් වශයෙන්ය.
කෙසේ වෙතත්, ඉරානයේ සහාය ලබන හූති සංවිධානය පවසා සිටින්නේ, ඔවුන් ඊශ්රායල බලා යන නෞකා ඉලක්ක කරන බවය.