මාරක අනතුරු වැලක් 6දෙනෙක් මිය යයි

දෛනිකව රිය අනතුරු නිසා මේ යන පුද්ගලයන්ගේ සංඛ්‍යාව මේ වන විට ඉතා සීඝ්‍රයෙන් වැඩිවෙන අතර සෑම විනාඩි 45කටම සැරයක් එක් පුද්ගලයකුගේ ජීවිත අහිමිවන බවට සෞඛ්‍ය අංශ අනාවරණය කරයි.

මේ අනුව දිවයිනේ සිදු වූ මාරක රිය අනතුරු කීපයක් පිළිබඳවයි මේ.

දිවයිනේ ප්‍රදේශ කිහිපයක සිදුවූ රිය අනතුරු 05කින් තරුණයින් සිව්දෙනෙකු ඇතුළු පුද්ගලයින් 06 දෙනෙකු ජීවිතක්ෂයට පත්ව තිබේ.

පාරට කුණු දැම්ම මනුස්සයට නගරාධිපති කරපු මරු වැඩේ

ඊයේ (05) මෙම අනතුර සිදුව තිබුණේ ගලෙන්බිඳුනුවැව, නාල්ල, දොම්පේ, පූගොඩ, කිලිනොච්චිය සහ ඉංගිරිය පොලිස් වසමේවලින්ය. ගලෙන්බිඳුනුවැව පොලිස් වසමේ කැකිරාව - ගලෙන්බිඳුනුවැව මාර්ගයේ යකල්ල ප්‍රදේශයේදී යතුරුපැදියක් පැදිකරුට පාලනය කර ගැනීමට නොහැකිව මාර්ගයේ පෙරළි ගොස් අනතුරක් සිදුව ඇත.

අනතුරින් පැදිකරු සහ පසුපැදිකරු බරපතළ තුවාල ලබා යකල්ල රෝහලට ඇතුළත් කිරීමෙන් පසු දෙදෙනාම මියගොස් ඇති බව පොලීසිය පවසයි. එලෙස මියගොස් ඇත්තේ, 20 හා 31 වයස්වල පසු වූ ගලෙන්බිඳුනුවැව හා අඟුරුවාතොට ප්‍රදේශවල පදිංචිව සිටි තරුණයින් දෙදෙනෙකි.

මේ අතර නාල්ල පොලිස් වසමේ කොළඹ - කුරුණෑගල මාර්ගයේ ඩොනල්වත්තට හැරෙන හංදිය අසලදී යතුරුපැදියක් කන්ටේනර් රථයේ ගැටී අනතුරක් සිදුව ඇත. අනතුරින් යතුරුපැදිකරු බරපතළ තුවාල ලබා දඹදෙණිය රෝහලට ඇතුළත් කිරීමෙන් පසු මියගොස් ඇති බව පොලීසිය පවසයි.

අවුරුදු 18ට අඩු ළමුන්ට රජයෙන් නොමිලේ ලැබෙන දේ මෙන්න -මේක නම් නියම වැඩක්

එලෙස මියගොස් ඇත්තේ, උඩුගම ප්‍රදේශයේ පදිංචි 25 හැවිරිදි තරුණයෙකි. මේ අතර දොම්පේ පොලිස් වසමේ හංවැල්ල - කිරිඳිවෙල මාර්ගයේ බානගල වෙදමැදුර හංදිය අසලදී යතුරුපැදියක් පැදිකරුට පාලනයකරගත නොහැකිව මාර්ගයේ පෙරළීගොස් ඉදිරියෙන් නවතා තිබූ ටිපර් රථයක ගැටී අනතුරක් සිදුව ඇත.

අනතුරින් යතුරුපැදිකරු බරපතළ තුවාල ලබා ගම්පහ රෝහලට ඇතුළත් කිරීමෙන් පසු මියගොස් ඇත. එලෙස මියගොස් ඇත්තේ, පූගොඩ ප්‍රදේශයේ පදිංචිව සිටි 23 හැවිරිදි තරුණයෙකි. මේ අතර කිලිනොච්චිය පොලිස් වසමේ ඒ 09 මාර්ගයේ පැරණි කච්චේරිය ආසන්නයේදී වව්නියාව දෙසට ධාවනය වූ කැබ් රථයක් පාර හරහා ගමන්ගත් පදිකයෙකුගේ ගැටී අනතුරක් සිදුව ඇත.

අනතුරින් බරපතළ තුවාල ලැබූ පදික පුද්ගලයා කිලිනොච්චිය රෝහලට ඇතුළත් කිරීමෙන් පසු මියගොස් ඇති බව පොලීසිය පවසයි. එලෙස මියගොස් ඇත්තේ, ත්‍රිකුණාමලය ප්‍රදේශයේ පදිංචිව සිටි 55 හැවිරිදි පුද්ගලයෙකි.

ඔබ ආදරය කරන චරිතවල ඔබ නොදුටු තරුණ වියේ ජායාරුප

මේ අතර ඉංගිරිය පොලිස් වසමේ පානදුර - රත්නපුර මාර්ගයේ ඉංගිරිය රෝහල ඉදිරිපිටදී යතුරුපැදියක් මාර්ගය හරහා ගමන් කල පදිකයෙකුගේ ගැටී අනතුරක් සිදුව ඇත. අනතුරින් බරපතළ තුවාල ලැබූ පදිකයා ඉංගිරිය රෝහලට ඇතුළත් කර වැඩිදුර ප්‍රතිකාර සඳහා හොරණ රෝහලට ඇතුළත් කිරීමෙන් පසු මියගොස් ඇති බව පොලීසිය පවසයි. එලෙස මියගොස් ඇත්තේ, ඉංගිරිය ප්‍රදේශයේ පදිංචිව සිටි 82 හැවිරිදි පුද්ගලයෙකි.