ගස් කැපීමේ බලපත්‍රයක් ලබා දීමට අල්මාරියක් අල්ලස් ගත් ග්‍රාම නිලධාරිනිය මාට්ටු

ගස් කැපීමේ බලපත්‍ර සඳහා අවශ්‍ය වාර්තාව ලබාදීමට පුද්ගලයෙකුගෙන් අල්ලස් ලබාගත් සියඹලාණ්ඩුවේ ග්‍රාම නිලධාරීනියක් අත්අඩංගුවට ගෙන තිබේ.

ඉන්ධන මිල පහලට - නව මිල මෙන්න

අල්ලස් කොමිසම සඳහන් කළේ, අදාළ පුද්ගලයා කළ පැමිණිල්ලකට අනුව කළ විමර්ශනයකදී ඇය අත්අඩංගුවට ගත් බවයි. ග්‍රාම නිලධාරීනිය, හිටිගස් වාර්තාව ලබාදීම සඳහා රුපියල් 23,000ක් පමණ වටිනා අල්මාරියක් පැමිණිලිකරුගෙන් ඉල්ලා තිබේ.

ඇය දැනුම්දී ඇත්තේ, එම මුදල අදාළ වෙළෙඳසැලට ගෙවා බිල්පත තමාට ලබාදෙන ලෙසයි. අනතුරුව අදාළ ග්‍රාම නිලධාරීනිය බිල්පත ලබාගෙන පැමිණිලිකරුට හිටිගස් වාර්තාව දී ඇතැයි අල්ලස් කොමිසම සඳහන් කළේ ය.

වෙන්නප්පුව වෙඩිල්ලේ සුල මුල එළියට - අවුරුදු 11ක පලියක් මෙන්න විස්තරේ