කුවේටයේ සේවය කළ තරුණ ලාංකික කාන්තාවන් දෙදෙනෙකුට සිදුවූයේ කුමක්ද? අපරාධ විමර්ශන දෙපාර්තමේන්තුවෙන් විශේෂ මෙහෙයුමක්

කුවේට්හි අලි සබා අල්-සාලෙම් (Ali Sabah Al-Salem) සහ අල්-නහ්දා (Al-Nahda) යන ප්‍රදේශවලින් ශ්‍රී ලාංකික කාන්තාවන් දෙදෙනෙකුගේ මළ සිරුරු හමුවීමත් සමඟ එම මරණ සම්බන්ධයෙන් බලධාරීන් විමර්ශන ආරම්භ කර තිබේ.

අදාළ මරණ දෙකම සැක සහිත මරණ ලෙස වාර්තා කර ඇති අතර, මරණවලට හේතු වූ තත්ත්වයන් අනාවරණය කර ගැනීම සඳහා අධිකරණ වෛද්‍ය පරීක්ෂණ ද ආරම්භ කර ඇත.

පළමු සිදුවීම අලි සබා අල්-සාලෙම් ප්‍රදේශයේ නිවසකදී වාර්තා වී තිබේ. එහි වහලය මත පිහිටි ගබඩා කාමරයක් තුළ 1988 වසරේ උපත ලැබූ ශ්‍රී ලාංකික කාන්තාවකගේ මළ සිරුර හමුවී ඇති බව සඳහන් වේ.

මේ පිළිබඳව කුවේට් ජාතිකයෙකු විසින් බලධාරීන්ට දැනුම් දී තිබේ. සිද්ධිය තහවුරු කර ගැනීමෙන් අනතුරුව අහ්මාදි (Ahmadi) රාජ්‍ය අභිචෝදක කාර්යාලය දැනුවත් කර ඇති අතර, මරණය සැක සහිත මරණයක් ලෙස ලියාපදිංචි කර මළ සිරුර අධිකරණ වෛද්‍ය දෙපාර්තමේන්තුව වෙත යොමු කරන ලෙස නියෝග කර ඇත.

බෙංගාල බොක්කේ නව සුළි කුණාටුවක් නිර්මාණය වෙයි - දිවයිනේ ප්‍රදේශ රැසකට මිලිමීටර් 75 පන්නන වැසි -

එම කාන්තාවගේ මරණයට හේතුව සහ ඊට අදාළ තත්ත්වයන් සොයා බැලීමේ වගකීම අපරාධ විමර්ශන දෙපාර්තමේන්තුව වෙත පවරා තිබේ. මේ අතර, අල්-නහ්දා ප්‍රදේශයෙන් ද 1999 වසරේ උපත ලැබූ තවත් ශ්‍රී ලාංකික කාන්තාවකගේ මළ සිරුරක් හමුවී ඇත

. එම සිදුවීම සම්බන්ධයෙන් 1989 වසරේ උපත ලැබූ කුවේට් ජාතිකයෙකු විසින් මෙහෙයුම් මැදිරිය වෙත තොරතුරු වාර්තා කර තිබේ. ජහ්රා (Jahra) රාජ්‍ය අභිචෝදක කාර්යාලයේ උපදෙස් මත දෙවන කාන්තාවගේ මළ සිරුර ද අධිකරණ වෛද්‍ය දෙපාර්තමේන්තුව වෙත යොමු කර ඇත.

සිද්ධියට අදාළ පරීක්ෂණ සඳහා අධිකරණ වෛද්‍ය විශේෂඥයන්, වෛද්‍ය පරීක්ෂකවරුන් සහ අපරාධ විමර්ශකයන් යොදවා ඇති බව වාර්තා වේ. කෙසේ වෙතත්, කාන්තාවන් දෙදෙනාගේ මරණවලට හේතු වූ කරුණු හෝ ඒවාට අදාළ වෙනත් තොරතුරු මෙතෙක් නිල වශයෙන් අනාවරණය වී නොමැත.

විමර්ශනවල ප්‍රධාන අරමුණ වී ඇත්තේ මරණවලට හේතු සහ ඒවා සිදුවූ ආකාරය තහවුරු කර ගැනීමයි.

කලා ලොව ශෝකයේ ගිල්වමින් සමුගත් ප්‍රවීණ රංගන ශිල්පී රහල් බුලත්සිංහලගේ අවසන් කටයුතු ගැන දැනුම්දීමක්