මැදපෙරදිග ආයෙත් රත් වෙයි - කලාපීය නොසන්සුන්තාව ඉහළ දමමින් ට්‍රම්ප්ගෙන් ඉරානයට තර්ජනයක්

හෝර්මුස් සමුද්‍ර සන්ධිය යළි විවෘත කිරීමට වන එකඟතාවන්ට ඉරානය එකඟ නොවන්නේ නම්, එරටට එල්ල කරන බෝම්බ ප්‍රහාර "ඉතා ඉහළ මට්ටමකින් සහ දැඩි තීව්‍රතාවයකින්" යළි ආරම්භ කරන බවට අමෙරිකානු ජනාධිපති ඩොනල්ඩ් ට්‍රම්ප් අනතුරු අඟවා ඇති බව විදෙස් මාධ්‍ය වාර්තා කරයි.

ඒ අනුව සිය 'Truth Social' ගිණුමේ සටහනක් තබමින් ජනාධිපතිවරයා ප්‍රකාශ කර ඇත්තේ, දැනට එකඟ වී ඇති කොන්දේසිවලට ඉරානය එකඟ වන්නේ නම් පමණක් දැනට ක්‍රියාත්මක යුදමය තත්ත්වය අවසන් වන බවයි.

අමෙරිකානු ජනාධිපතිවරයාගේ මෙම ප්‍රකාශය දැනට පවතින තාවකාලික සටන් විරාමය හමුවේ වුවද, කලාපීය නොසන්සුන්තාව තවදුරටත් ඉහළ නැංවීමට හේතු වී ඇති බව සඳහන්.

තත්ත්වය දරුණුයි - රටම කැළඹෙයි - රුමේනියාව රජය බිඳ වැටේ

එසේම අමෙරිකානු තර්ජන මැඩපැවැත්වීමෙන් පසු හෝර්මුස් සමුද්‍ර සන්ධියේ ‘ස්ථාවර ගමනාගමනය’ තහවුරු කරන බව ඉරාන විප්ලවීය ආරක්ෂක බලකාය (IRGC) සඳහන් කරයි.

ඊට අමතරව හෝර්මුස් සමුද්‍ර සන්ධිය හරහා යාත්‍රා කිරීමට පනවා ඇති නව ඉරාන රෙගුලාසිවලට සහයෝගය දැක්වීම සම්බන්ධයෙන් පර්සියානු බොක්ක සහ ඕමාන් බොක්ක ආශ්‍රිතව යාත්‍රා කරන නෞකා හිමියන්ට සහ කපිතාන්වරුන්ට ඉරාන විප්ලවීය ආරක්ෂක බලකාය‍ෙ නාවික හමුදාව ස්තූතිය පළ කර ඇති බව විදෙස් මාධ්‍ය දක්වයි.

කෙසේ වෙතත් X සමාජ මාධ්‍ය ජාලය ඔස්සේ නිවේදනයක් නිකුත් කරමින් IRGC බලකාය සඳහන් කළේ, ආක්‍රමණිකයන්ගේ තර්ජන මැඩපවත්වා ඇති බැවින් නව නීතිරීති යටතේ ආරක්ෂිත ගමනාගමනය සහතික කරන බව‍යි.

ඉන්දීය දේශපාලනයේ තවත් වෙනසක් - තමිල්නාඩුව පුදුම කරමින් සුපිරි නළු තලපති විජේට ලැබෙන්න යන දැවැන්ත සහය

ලෝක වෙළඳපොළ ගෑස් මිල අහස උසට - ලංකාවේ ලිට්‍රෝ ගෑස් මිල ගැනත් දිවයිනටම දැනුම්දීමක්