කිරි තේ කියලා වහද බොන්නේ? මෙච්චර දවස් බිව්වේ මේ ජරාවද අපි

මිනිස් පරිභෝජනය සඳහා නොසූදුසු, ආනයනය කළ රුපියල් කෝටි 18ක වටිනා කිරිපිටි තොගයක් කෙරවලපිටිය ප්‍රදේශයේ පෞද්ගලික ගබඩාවක සඟවා තිබී ඇති අවස්ථාවක් පාරිභෝගික කටයුතු පිළිබඳ අධිකාරිය විසින් හෙළිදරව් කර ඇත.

අන්තිමේ මහින්ද රාජපක්ෂට ඉන්න ගේත් නැති වුණා?

වෙළඳපලට නිකුත් කිරීම සඳහා සූදානම් කර තිබූ මෙම කිරිපිටි තොගය පිළිබඳව පාරිභෝගික අධිකාරියේ මූලස්ථානයට ලැබුණු පැමිණිල්ලකට අනුව, ගම්පහ දිස්ත්‍රික් පාරිභෝගික විමර්ශන නිලධාරීන්ගේ කණ්ඩායමක් එම ගබඩාව පරීක්ෂා කළ අතර එහිදී මෙම තොගය සොයාගන්නට ලැබිණි.

පොලිස් නිලධාරීන්ගේ වැටුපට වෙන්න යන දේ

නෙදර්ලන්තයෙන් ආනයනය කර, කිලෝ 25 බැගින් පැකට් කළ මෙම කිරිපිටි බහාලුම් හයක සඟවා තිබූ අතර, එය වෙළඳපලට බෙදා හැරීමට සූදානම් කරමින් තිබූ බවද අනාවරණය වී ඇත.

පාරිභෝගික අධිකාරිය සඳහන් කළේ, මෙසේ සෙවූ කිරිපිටි තොගයේ සම්පූර්ණ බර කිලෝග්‍රෑම් 153,000ක් වන අතර ඒවා මිනිස් පරිභෝජනය සඳහා අසුදුසු බව වාර්තා වී ඇති බවයි.

මෙම සිද්ධිය සම්බන්ධයෙන් වාර්තා වැලිසර අධිකරණයට ඉදිරිපත් කර ඇති අතර, වැඩිදුර විමර්ශන කටයුතු වත්තල සෞඛ්‍ය වෛද්‍ය නිලධාරීන් වෙත භාර දී ඇතැයි අධිකාරියේ නිලධාරියෙක් සඳහන් කළේය.