මොස්කව් නගර මධ්‍යයේ ඉතාලි අවන්හලක ප්‍රබල පිපිරීමක්- 3ක් මරුට 21කට තුවාල

රුසියාවේ මොස්කව් නගර මධ්‍යයේ පිහිටි ඉතාලි අවන්හලක සිදුවූ ප්‍රබල පිපිරීමකින් අවම වශයෙන් පුද්ගලයින් තිදෙනෙකු ජීවිතක්ෂයට පත්ව ඇති අතර තවත් 21 දෙනෙකු තුවාල ලබා ඇති බව රුසියානු රාජ්‍ය මාධ්‍ය ආරක්ෂක අංශ උපුටා දක්වමින් වාර්තා කරයි.

මෙම පිපිරීම නගර මධ්‍යයේ පිහිටි කුඩ්‍රින්ස්කායා චතුරශ්‍රයේ දේශීය වේලාවෙන් රාත්‍රී 8.00ට පමණ සිදුව තිබේ. රුසියාවේ ජාතික ත්‍රස්ත විරෝධී කමිටුව (NAK) පවසන්නේ, පුපුරණ ද්‍රව්‍යයක් රැගෙන පැමිණි කාන්තාවක් අවන්හලට ඇතුළුවීමට උත්සාහ කළ අවස්ථාවේ ආරක්ෂක නිලධාරියෙකු ඇයව නතර කර ඇති බවයි.

එම අවස්ථාවේදී පුපුරණ ද්‍රව්‍යය සක්‍රීය වී ඇති අතර, කාන්තාව, ආරක්ෂක නිලධාරියා සහ අවන්හලට පැමිණ සිටි තවත් අමුත්තෙකු ජීවිතක්ෂයට පත්ව තිබේ.

බස් රථයක් ප්‍රපාතයකට පෙරළී 25ක් මරුට 44කට බරපතළ තුවාල

මෙම අවන්හල මොස්කව්හි ප්‍රසිද්ධ ස්ටාලින් යුගයේ ඉදිකරන ලද අහස උස ගොඩනැගිල්ලක පිහිටා ඇති අතර, සිදුවීම සිදුවන අවස්ථාවේ එහි පෞද්ගලික උත්සවයක් පැවැත්වෙමින් තිබූ බව වාර්තා වේ.

ප්‍රහාරයේ ඉලක්කය කවුරුන්ද යන්න හෝ උත්සවයට සහභාගී වූ අමුත්තන්ගේ තොරතුරු මෙතෙක් බලධාරීන් විසින් හෙළි කර නොමැත. ඇසින් දුටු සාක්ෂිකරුවන් පවසන්නේ, පිපිරීමෙන් අනතුරුව ලේ තැවරුණු පුද්ගලයින් ගොඩනැගිල්ලෙන් පිටතට රැගෙන එනු දක්නට ලැබුණු බවයි.

මුල් වාර්තා අනුව පිපිරීම අවන්හලේ මුළුතැන්ගෙය තුළ සිදුව ඇති බව සඳහන් වූවත්, පසුව අවන්හල නිවේදනයක් නිකුත් කරමින් කියා සිටියේ ගැටලුව ගොඩනැගිල්ලේ පිටත ප්‍රදේශයකින් ආරම්භ වූ බවයි.

සිද්ධියෙන් අනතුරුව කුඩ්‍රින්ස්කායා චතුරශ්‍රය අවට මාර්ග කෙටි කාලයක් සඳහා වසා දමා තිබූ අතර, එම ප්‍රදේශයේ පැවැත්වීමට නියමිතව තිබූ පාපැදි සවාරියද ආරක්ෂක හේතූන් මත අවලංගු කර තිබේ. 

Food Loversලාට සුපිරි ආරංචියක්! සංගීතයයි රසවත් කෑමයි එක්ක රාත්‍රියක් ගත කරන්න ඔබත් ලෑස්තිද?