කැස්බෑ මස් සහ බිත්තර තොගයක් සමඟ සැකකරුවන් තිදෙනෙක් අත්අඩංගුවට
පසුගිය 31 වැනිදා මන්නාරම නච්චිකුඩා වෙරළ ප්රදේශයේ සිදුකළ විශේෂ සෝදිසි මෙහෙයුමකදී කැස්බෑ මස් කිලෝග්රෑම් දහතක්, බිත්තර තිස් නවයක් සහ ඩිංගි යාත්රාවක් සමඟ සැකකරුවන් තිදෙනෙකු නාවික හමුදාව විසින් අත්අඩංගුවට ගෙන තිබේ.
අත්අඩංගුවට ගත් සැකකරුවන් 26 සහ 32 වයස් කාණ්ඩවලට අයත් පුද්ගලයන් වන බව නාවික හමුදාව සඳහන් කරයි.
පසුගිය 31 වැනිදා සිදු කළ විශේෂ සෝදිසි මෙහෙයුමකදී ඔවුන් අත්අඩංගුවට ගෙන ඇති අතර, අදාළ කැස්බෑ මස්, බිත්තර සහ ඩිංගි යාත්රාව නීතිමය ක්රියාමාර්ග සඳහා කිලිනොච්චි වනජීවි කාර්යාලයට භාරදීමට නාවික හමුදාව කටයුතු කර ඇත.