LPL බලන්න ජනපති සහභාගී වූයේ මෙහෙමයි - ප්‍රභූන් රැසකුත් සහභාගී වෙලා.. (PHOTOS)

Ranil Wickremesinghe Cricket Sri Lanka Cricket Sri Lanka President of Sri lanka
By krishani Aug 21, 2023 10:28 AM GMT
krishani

krishani

Report

ඊයේ (20) කොළඹ ආර්. ප්‍රේමදාස ක්‍රීඩාංගණයේ දී පැවති ලංකා ප්‍රිමීයර් ලීග් තරගාවලියේ අවසන් මහා තරගය නැරඹීම සඳහා ජනාධිපති රනිල් වික්‍රමසිංහ මහතා ද සහභාගී විය.

එමෙන්ම තරගය නැරඹීමට පැමිණ සිටි දෙස් විදෙස් ක්‍රිකට් ක්‍රීඩකයන් සහ නිලධාරීන් සමඟ ද ජනාධිපති රනිල් වික්‍රමසිංහ මහතා සුහද කතා බහක නිරත විය.

මේ සඳහා අමාත්‍ය හරීන් ප්‍රනාන්දු, ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක යන මහත්වරුන් ද ජනාධිපතිවරයා සමඟ මෙම අවස්ථාවට එක්ව සිටියහ.

මේ අතර බී ලව් කැන්ඩි සහ දඹුල්ල අවුරා අතර ඊයේ (20) පැවති තරගයෙන් බී ලව් කැන්ඩි කණ්ඩායම ජය හිමි කරගත්තේ ය.

ඒ තීරණාත්මක තරගයකින් පසුවයි.

ඒ දඹුල්ල අවුරා කණ්ඩායම පරාජයට පත් කරමින් බී ලව් කැන්ඩි කණ්ඩායම කඩුලු 5කින් ජයග්‍රහණය කරමින් ය.

LPL අවසන් මහා තරගයේ දී බී ලව් කැන්ඩි කණ්ඩායම මෙහෙයවීමේ වගකීම ඇන්ජලෝ මැතිව්ස්ට පැවරී තිබිණ.

මෙම තරගයේ කාසිය වාසිය දිනා ගත් දඹුල්ල නායකයා පළමුව පන්දුවට පහරදීමට තීරණය කළ අතර දඹුල්ල අවුරා කණ්ඩායම පන්දුවාර 20 අවසානයේ කඩුලු 04ක් දැවී රැස් කළ ලකුණු සංඛ්‍යාව 147ක් විය.

කෙසේ වෙතත්, ජයග්‍රහණය සඳහා ලකුණු 148ක ඉලක්කයක් හඹා ගිය බී ලව් කැන්ඩි කණ්ඩායම තරගයේ අවසන් පන්දුවාරයේ 5වන පන්දුවේ දී තමන්ට නියමිත ඉලක්කය සපුරා ගනු ලැබීය.

තීරණාතමක තරගයකින් අනතුරුව සිය කණ්ඩායම ජයග්‍රහණය කරා මෙහෙය වීමට ඇන්ජලෝ මැතිව්ස්ගෙ දායකත්වය මෙහිදි කැපී පෙනිණ.

GalleryGalleryGalleryGalleryGalleryGallery
ReeCha