හිත උණු වූ නලින්ද.. මිය ගිය සේවකයාට වන්දි.. තවත් කෙනෙක් ICU එකේ

පිපිරීමකින් හානියට පත් පොළොන්නරුව ජාතික වකුගඩු රෝහලේ වත්මන් තත්ත්වය සොයා බැලීම සඳහා සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අද (26) පස්වරුවේ විශේෂ නිරීක්ෂණ චාරිකාවක නිරත විය.

එහිදී අදහස් දක්වමින් අමාත්‍යවරයා සඳහන් කළේ, මෙම අනතුරින් ජීවිතක්ෂයට පත්වූ රෝහල් සේවකයා සම්බන්ධයෙන් සිය කණගාටුව පළ කරන බවයි.

මියගිය සේවකයාගේ අවමංගල කටයුතු සිදු කිරීම සඳහා අවශ්‍ය සියලු මැදිහත්වීම් රජය මගින් සිදු කරන බවත්, ඔහුගේ පවුලේ ඉදිරි කටයුතු වෙනුවෙන් අවශ්‍ය වන්දි ලබාදීමටද රජය කටයුතු කරන බවත් අමාත්‍යවරයා පැවසීය.

මේ අතර, බරපතළ තුවාල ලබා දැඩි සත්කාර ඒකකයේ ප්‍රතිකාර ලබන අනෙක් රෝහල් සේවකයාට අවශ්‍ය උපරිම සෞඛ්‍ය පහසුකම් ලබාදීමට කටයුතු කරන බවද අමාත්‍යවරයා සඳහන් කළේය.

ගෑස් සිලින්ඩර් පිපිරීමෙන් පොළොන්නරුව වකුගඩු රෝහලට දැඩි හානි - විමර්ශනයට විශේෂ පොලිස් කණ්ඩායම් දෙකක්

ඔහුගේ තත්ත්වය අනුව අවශ්‍ය වුවහොත් වැඩිදුර ප්‍රතිකාර සඳහා කොළඹ ජාතික රෝහල වෙත මාරු කර යැවීමට පියවර ගන්නා බවද වෛද්‍ය නලින්ද ජයතිස්ස මහතා වැඩිදුරටත් පැවසීය.

අමාත්‍යවරයාගේ මෙම නිරීක්ෂණ චාරිකාවේදී පිපිරීමෙන් රෝහලට සිදුව ඇති හානිය, රෝහල් සේවා පවත්වාගෙන යාමේ වත්මන් තත්ත්වය සහ ඉදිරි ක්‍රියාමාර්ග සම්බන්ධයෙන්ද අවධානය යොමු කර තිබේ.

"පුද්ගලයින් හත්දෙනෙක් අනතුරට ලක් වුණා. එක්කෙනෙකුට වැඩි තුවාල සිදුවී නොතිබූ නිසා ඩිස්චාජ් කළා. තවත් පස්දෙනෙක් දැනට රෝහලේ ප්‍රතිකාර ලබමින් ඉන්නවා. එක්කෙනෙක් මියගොස් තිබෙනවා. රාජකාරී කරමින් සිටි අපේ සෞඛ්‍ය කාර්ය සහායක මහත්මයෙක්, වයස අවුරුදු 34යි. ඔහුගේ මියයාම සම්බන්ධයෙන් රජය හැටියට අපි අපේ කණගාටුව ප්‍රකාශ කරනවා. අවමංගල කටයුතු සිදු කිරීමට අවශ්‍ය සියලු මැදිහත්වීම් රජය මගින් සිදු කරනවා.

ඩීසල් ලීටරයකට රුපියල් 80 - 100ක සහනාධාරයක් - අලුත්ම මිල ගණන් ගැන ඇමතිගෙන් විශේෂ ප්‍රකාශයක්

ඒ වගේම ඉදිරියේදී ඒ පවුලේ කටයුතු වෙනුවෙන් අවශ්‍ය කරන වන්දි මුදල් ලබාදෙන්නත් රජය කටයුතු කරනවා. ජනාධිපතිතුමා එක්කත් අපි ඒ ගැන සාකච්ඡා කළා. ඊට අමතරව අපේ තවත් එක් රෝහල් සේවකයෙක් දැඩි සත්කාර ඒකකයේ ප්‍රතිකාර ලබනවා. වැඩිදුර ප්‍රතිකාර අවශ්‍ය නම් කොළඹ ජාතික රෝහලට හෝ එතනින් එහාට හෝ යොමු කරන්න අපි සූදානම්. නමුත් දැනට පොළොන්නරුව දිස්ත්‍රික් මහා රෝහලේ දැඩි සත්කාර ඒකකයේදී ඔහුට අවශ්‍ය උපරිම ප්‍රතිකාර ලබාදෙමින් ඉන්නවා."  

''මේ ගොඩනැගිල්ලට විශාල හානියක් සිදුවෙලා තියෙන්නේ. මේ සම්බන්ධයෙන් පොලීසිය පැත්තෙන් විමර්ශන කටයුතු සිදුවෙනවා. ඒ වගේම රස පරීක්ෂක දෙපාර්තමේන්තුවේ නිලධාරීන් පැමිණ අදාළ විමර්ශන කටයුතු ආරම්භ කරලා තියෙනවා. ඊට අමතරව, සිදුවූයේ කුමක්ද යන්න සම්බන්ධයෙන් සෞඛ්‍ය අමාත්‍යාංශය පැත්තෙනුත් පරීක්ෂණයක් පැවැත්වෙනවා. මේ රෝහලට ආසන්න ප්‍රදේශවල රෝගීන් ඩයලිසිස් (Dialysis) ප්‍රතිකාර සඳහා පැමිණෙනවා. ඒ අයට ප්‍රතිකාර කිරීමේ කටයුතු අපිට ආරම්භ කරන්න පුළුවන්.

බස්නාහිර වෙව්ලවයි.. මෙරටින් රෝගීන් 99,000ක් පනී - වැඩිම අනතුර ගම්පහට

ඒ අනුව පොළොන්නරුව, ඇලහැර, බකමූණ ඇතුළු අවට ප්‍රදේශවල ජනතාවට අවශ්‍ය ඩයලිසිස් පහසුකම අපි අද හවස ඉඳන් ආරම්භ කරනවා. ඒ අයට අවශ්‍ය ප්‍රවාහන පහසුකම් ලබාදීමටත් අපි මැදිහත් වෙනවා. මේ ගොඩනැගිලි සංකීර්ණය තාම අනතුරුදායක ස්වභාවයකයි පවතින්නේ. ගොඩනැගිලි කොටස් තවමත් කඩාගෙන වැටෙනවාද යන්න පිළිබඳව අපගේ ඉංජිනේරු අංශය වාර්තාවක් ඉදිරිපත් කළ යුතුයි. එතැනින් එහාට අවශ්‍ය අලුත්වැඩියාවන් සහ උපකරණ නැවත ලබාදීම් ඇතුළු සියලු දේට රජය මැදිහත් වෙනවා. එය මැදි කාලීන කටයුත්තක් නිසා ඒ සඳහා යම් කාලයක් ගතවේවි."  

ලීසිං වාහන බලෙන් උදුරා ගැනීමට එරෙහිව පොලිසිය රතු එළි දල්වයි