රුපියල් මිලියන 37 කට අධික වටිනාකමින් යුත් කේරළ ගංජා තොගයක් සමඟ සැකකාරියක් නීතියේ රැහැනට ..(PHOTOS)
Piyumika
ශ්‍රී ලංකා නාවික හමුදාව; පොලිස් විශේෂ කාර්ය බලකාය හා එක්ව පසුගිය දිනක චාවකච්චේරි පලෙයි ප්‍රදේශයෙහි සිදුකල ඒකාබද්ධ සෝදිසි මෙහෙයුමකදී, කේරළ ගංජා කිලෝ අනූ හතරයි (94) ග්‍රෑම් පන්සිය විස්සක (520) තොගයක් සමඟ සැකකාරියක් (01) සහ කැබ් රථයක් (01) නීතියේ රැහැනට හසුකර දීමට කටයුතු කෙරිණි.
ඒ අනුව, උතුරු නාවික විධානයේ නාවික ස්ථානගත කිරීම වෙත්තලකේණි ආයතනය; නෙල්ලිඅඩි පොලිස් විශේෂ කාර්ය බලකාය හා එක්ව පසුගිය 15 වන දින චාවකච්චාරි පලෙයි ප්‍රදේශයෙහි සිදුකල මෙම ඒකාබද්ධ සෝදිසි මෙහෙයුමේදී, එම ප්‍රදේශයේ සැකකටයුතු නිවසක් පරීක්‍ෂවට ලක් කර තිබේ.
එහිදී එම නිවසේ සඟවා තිබූ උර හතරක් (04) තුල පාර්සල් පනස් දෙකක (52) අසුරන ලද කේරළ ගංජා කිලෝ අනු හතරයි (94) ග්‍රෑම් පන්සිය විස්සක (520) පමණ තොගයක් සහ එම තොගය ප්‍රවාහනය සඳහා භාවිතා කළ බවට සැක කෙරෙන කැබ් රථයක් (01) සමඟ සැකකාරියක් (01) මෙලෙස හසු වි තිබේ.
මෙම මෙහෙයුම මඟින් අත්අඩංගුවට ගත් කේරළ ගංජා තොගයේ දළ වීථි වටිනාකම රුපියල් මිලියන තිස් හතකට (37) අධික වෙතැයි විශ්වාස කෙරේ.
තවද, නාවික හමුදා භාරයට ගත් සැකකාරිය වයස අවුරුදු 35 ක් වන පලෙයි ප්‍රදේශයේ පදිංචිකාරියක් බවට හඳුනාගත් අතර, එම සැකකාරිය (01) කේරළ ගංජා තොගය සහ කැබ් රථය (01) ඉදිරි නීතිමය කටයුතු සඳහා පලෙයි පොලිස් ස්ථානය වෙත භාරදීමට කටයුතු කෙරිණි.
