ඉඩම් ආරවුලක් නිසා සිදුවූ ද්විත්ව ඝාතනය

By Sithumi Jan 27, 2023 06:01 PM GMT
Sithumi

Sithumi

Report

නිවසක් කුළ අඹුසැමි යුවළක් කපා කොටා ඝාතනය කර තිබෙනවා. අම්බලන්තොට බෝලාන රුහුණු රිදීගම තුනේ කණුව ප්‍රදේශයේදී නිවසක් තුළ අද (27) පෙරවරුවේ මෙම අපරාධය සිදුවී ඇති බවයි පොලීසිය පැවසුවේ.  

ඝාතනයට ලක්වූ පිරිමි පුද්ගලයාගේ මස්සිනා කෙනෙකු සිද්ධියට සැකපිට අම්බලන්තොට පොලීසිය විසින් අත්අඩංගුවට ගෙන තිබෙනවා.  

අදාළ සැකකරු අම්බලන්තොට බෙලිගාලගොඩ ප්‍රදේශයේ පදිංචිකරුවෙක් වන අතර අදාළ සැකකරු නිවසට කඩාවැදී පොරොවකින් සහ කැත්තකින් පහරදී මෙම ද්විත්ව ඝාතනය සිදුකර ඇති බවටයි පොලීසිය සැක කරන්නේ.  

ඝාතනයට ලක්වී ඇත්තේ 61 හැවිරිදි වෙන්ගප්පුලී ආරච්චිගේ සුනිල් සහ 56 හැවිරිදි හේවාමානගේ කුසුමලතා යන අඹුසැමි යුවළක් වන අතර කලක පටන් පැවති බව කියන ඉඩම් ආරවුලක් මත මෙම ඝාතන සිදුකර තිබෙන බවට ද තොරතුරු හෙළිවී තිබෙනවා