ත්‍රස්‍තවාදයට එරෙහි නව පනතට ජනතාවගෙන් අදහස් ඉල්ලයි

අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර මහතා පවසන්නේ ත්‍රස්‍තවාදයට එරෙහි නව පනත පිළිබඳව ජනතාවගේ මත විමසුමක් සිදු කරන අතර එළැඹෙන පෙබරවාරි 28 දක්වා කාලය තුළ ඒ සඳහා අදහස් දැක්වීම සිදු කළ හැකි බවයි.

අමාත්‍යවරයා වැඩිදුරටත් පෙන්වා දෙන්නේ නව රජය බලයට පත් වීමත් සමග දෙන ලද ප්‍රධාන පොරොන්දුවක් වූයේ පැරණි ත්‍රස්‍තවාදය වැළැක්වීමේ පනත අහෝසි කර මානව හිමිකම් ආරක්ෂා වන පරිදි පුද්ගලයින්ගේ භාෂණයේ නිදහස ආරක්ෂා වන පරිදි නව ත්‍රස්‍තවාදයට එරෙහි පනතක් සැකසීම වන බවයි.

ඉන්දියාවත් අනතුරේ- රජය අනතුරු අගවයි

ඒ අනුව ජනාධිපති නීතිඥ රියන්සි අර්සකුලරත්න ප්‍රමුඛ විද්වතුන් 17 දෙනෙකුගෙන් සැදුම්ලත් කමිටුවක් පරණ නීති ඉවත් කර අලුතින්ම ත්‍රස්‍තවාදයට එරෙහි පනතක් ගෙන එනු ලැබූ බවත් එය මේ වන විට භාෂා 3න්ම සකස් කර ඉදිරිපත් කර ඇති බවත් එම කෙටුම්පත් තුන අධිකරණ අමාත්‍යංශයේ වෙබ් අඩවියට උඩු ගත කර ඇති අතර මෙම පනත පාර්ලිමේන්තුවට හෝ කැබිනට්ටුවට ඉදිරිපත් කිරීමට ප්‍රථම මහජනතාවගෙන් අදහස් විමසීම සඳහා කාලය ලබා දී ඇති බවත් අමාත්‍යවරයා පැවසුවේය.

ඒ අනුව මෙම නව නීතිය භාෂා තුනෙන්ම නිල වෙබ් අඩවියේ පල කර ඇති අතර මේ පිළිබඳව ජනතාවගේ අදහස් ගැනීමට, සංශෝධන කිරීමට අවශ්‍ය නම් ඒ කුමක් ද යන්න පිළිබඳව දැනුම්දීමට මේ කාලය විවෘතව පවතියි.

Dialog හා Mobitel භාවිතා කරන ඔබට සුභ ආරංචියක්

හර්ෂණ නානායක්කාර මහතා ජනතාවගෙන් ඉල්ලා සිටින්නේ මෙම කෙටුම්පත සම්බන්ධයෙන් අධ්‍යනය කර අලුත් අදහස් ලබා දී රජයට සහාය වන ලෙසය. එමෙන විවිධ පුද්ගලයින්, සිවිල් සංවිධාන, වෘත්තීය සමිති නායකයින් මේ වන විටත් අදහස් ඉදිරිපත් කර ඇති අතර ඒ පිළිබඳව සාධනීය ලෙස සලකා බලන බවද මෙහිදී ඒ මහතා වැඩිදුරටත් පැවසීය.

පෙබරවාරි 28 පසුව නීතිඥ රියන්සි අර්සකුලරත්න ප්‍රමුඛ කණ්ඩායම මගින්ම ඒ යෝජනා සලකා බලමින් ඉතා සාධනීයව මෙම පනත වෙනස් කිරීමට අවශ්‍ය පියවර ගන්නා බව ද ඔහු සඳහන් කළේය.

අමාත්‍යවරයා වැඩිදුරටත් සඳහන් කළේ මෙසේ වෙබ් අඩවියේ පල කර ඇත්තේ අවසන් වූ පනතක් නොව ජනතාවගේ අදහස් ලබා ගැනීමට යොදා ගත් කෙටුම්පතක් පමණක් වන බවය.

ඒ අනුව ඕනෑම අයෙකුට මේ සම්බන්ධයෙන් අදහස් දැක්විය හැකි බවත් මෙම අවස්ථාව ප්‍රයෝජනයට ගෙන මේ සම්බන්ධයෙන් වූ සාධනීය අදහස්, විවේචන ලබා දෙන ලෙසත් ඒවා අධිකරණ අමාත්‍යංශයේ ලේකම් වෙත ඉදිරිපත් කරන ලෙසත් අධිකරණ අමාත්‍යවරයා මෙහිදී පැවසීය.