එළිසබෙත් මහ රැජිණට එපා වුන බකිංහැම් මාළිගය !

දශක හතක් පුරාවට සිය ප්‍රධාන වාසස්ථානය වූ බකිංහැම් මාලිගාවේ නැවත කිසි දිනක ජීවත් නොවීමට බ්‍රිතාන්‍යයේ දෙවන එලිසබෙත් මහ රැජිණ තීරණය කර තිබේ.

ඒ වෙනුවට රැජිණගේ ස්ථිර පදිංචිය සහ නිළ කටයුතු කරගෙන යාමේ ස්ථනය ලෙස ස්ථිරවම වින්සර් මාලිගය තෝරා ගැනීමට රැජිණ තීරණය කොට ඇත.

කොරෝනා වසංගතය ආරම්භයේදීම රැජිණ සිය ආරක්ෂාව වෙනුවෙන් පිලිප් කුමරු සමඟ වින්සර් මාලිගයේ පදිංචියට ගිය අතර දැනට වසර දෙකක් පුරා වැඩි කාලයක් රැජිණ එහි කාලය ගතකොට ඇත.

ඒ අතරතුර කාලයේ වින්සර් මාලිගයේදී පිලිප් කුමරු අභාවප්‍රාප්ත වූ අතර ඔහුගේ දේහයද වින්සර් මාලිගයේ තැම්පත් කර ඇත.

රැජිණද මියගිය දිනක ඇයගේ දේහයද ඔහුගේ දේහය අසලින් තැම්පත් කෙරෙනු ඇති. එලිසබෙත් රැජිණට වයස අවුරුදු පහේදී ඇයගේ සීයා වන පස්වන ජෝර්ජ් රජු විසින් වින්සර් මාලිගය ඇයට තෑගි කරන ලද අතර රැජිණගේ ළමා කාලයෙන් වැඩි කාලයක් වින්සර් හී ගතකර ඇත.

රැජිණ වාඩාත් ආදරය කරන ස්ථානය වින්සර් මාලිගය වන අතර පිලිප් කුමරු ඇතුළු සමීපතමයන් සමඟ ඇයගේ මතක රැසක් එහි ඇති බව සඳහන් වේ.

ඊට අමතරව දෙවන ලෝක යුධ සමයේදී මෙන්ම විවිධ අනතුරුදායක අවස්ථාන් හීදී රැජිණ සිය ආරක්ෂාව වෙනුවන් ජීවත් වීම සඳහා තෝරාගන ඇත්තේ වින්සර් මාලිගාව වේ.

මීලඟ රාජ්‍යත්වයට සුදුසුකම් ලබා සිටින චාර්ල්ස් කුමරු රාජ්‍යත්වයට පත්වීමට ආසන්න කාලයකදී සිය බිරිඳ වන කෝන්වෝල් හී ආදිපාදිවරිය සමඟ බකිංහැම් මාලිගයේ පදිංචියට යනු ඇත.

ඒ අනුව බකිංහැම් මාලිගයේ මීලඟ උරුමකරු බවට ඔහු පත්වීමට නියමිතයි.රැජිණ බකිංහැම් මාලිගාවට සමුදුන් පුවත වාර්තා වීමත් සමඟ නොයෙක් දෙනා රැජිණ මියගොස් ඇති බවට සමාජ මාධ්‍ය වල වාර්තා කර ඇත.

ලංකාවේද යම් පුද්ගලයන් රැජිණ මියගොස් ඇති බවට හැඟවෙන පුවත් ෆේස්බුක් හී සටහන් කොට තිබුනි. බකිංහැම් මාලිගායන් ලැබෙන වාර්තා අනුව ඒවා සත්‍යයෙන් තොර බව මෙලෙස සටහන් කර සිටිමි.