පොලිස් නිළධාරීන් ගැන ගත් තීරණයක් මෙන්න.. වැඩබලන පොලිස්පතිත් ඇවිත්..
krishani
ශ්‍රී ලංකා අමෙරිකානු තානාපති කාර්‍යාලයේ පූර්ණ අනුග්‍රහය මත පැවැත්වූ ‘Scene Of Crime Officer Training’ පොලිස් පාඨමාලා උලෙළේ සමාප්තිය අද (17) සිදු විය.
ඒ අමෙරිකානු තානාපතිනි චූලි චන්ගේ ප්‍රධානත්වයෙන් ය.
2024 වසරේ පෙබරවාරි මස 19 වැනි දින සිට ඔක්තෝබර් මස 16 වැනි දින දක්වා අපරාධ ස්ථාන පරීක්ෂා කිරීමට අදාළ ව පුහුණු සැසි 05ක් පැවැත්විණ.
ඒ කළුතර පොලිස් විද්‍යාලයේ දී අපරාධ ස්ථාන පරීක්ෂණ නිලධාරීන් 95 දෙනෙකු වෙනුවෙන් ය.
මෙකී පාඨමාලාව නිලධාරීන් 57 දෙනෙකු සඳහා පුහුණු සැසි වාර 03ක් සහ තවත් නිලධාරීන් 38 දෙනෙකු සඳහා උසස් අදියර යටතේ පුහුණු සැසිවාර 02 බැගින් පැවැත්විණ.
මෙම පාඨමාලාවට එක් වූ නිලධාරීන් සඳහා සහතික පත් සහ නිල ලාංඡන පැළඳවීම ජූලි චන්ග් මහත්මිය විසින් සිදු කෙරිණ.
ඒ අපරාධ වාර්තා කොට්ඨාස ශ්‍රවණාගාරයේ දී ය.
කෙසේ වෙතත්, එහිදී වැඩබලන පොලිස්පති ප්‍රියන්ත වීරසූරිය විසින් අමෙරිකානු තානාපතිනිය ඇතුළු පාඨමාලා උපදේශකවරුන් වෙත සමරු තිළිණ ද පිරිනැමිණ.
