විපක්ෂ නායක සජිත්ගේ ආරක්ෂක රථයක ගැටී පුද්ගලයින් දෙදෙනෙක් රෝහලේ - පුද්ගලයෙකුට අසාධ්‍යයි..

අම්පාර දමන ප්‍රදේශයේ හෙළගම්පුර හන්දියේදී ,ප්‍රභූ ආරක්ෂක අංශක අංශ රථයක් යතුරුපැදියක ගැටීමෙන් පුද්ගලයන් දෙදෙනෙකු තුවාල ලබා රෝහල් ගත කර තිබේ.

මෙම අනතුර සිදුවී ඇත්තේ, විපක්ෂ නායක සජිත් ප්‍රේමදාස මහතාගේ ආරක්ෂක අංශයට අනුයුක්ත කර තිබූ ආරක්ෂ ප්‍රභූ ආරක්ෂක රථයක ගැටීමෙනි.

අනතුරට පත් පුද්ගලයන් දෙදෙනා අම්පාර මහා රෝහලට ඇතුළත් කර ඇති අතර එක් අයෙකු අසාධ්‍ය තත්ත්වයේ දැඩි සත්කාර ඒකකයට ඇතුළත් කර තිබේ.

ප්‍රභූ ආරක්ෂක රථය පැදවූ රියදුරා දමන පොලිසිය විසින් අත්අඩංගුවට ගෙන අද (15) අම්පාර අධිකරණය වෙත ඉදිරිපත්කර තිබෙනවා.

එහිදී ඔහුව ලබන බදාදා (18) දක්වා රක්ෂිත බන්ධනාගාර ගත කිරීමටයි නියෝග කර ඇත්තේ.