ලංකාවේ නගර 10ක් සුරපුරයක් වෙන්නයි යන්නේ - ඔයාගේ නගරෙත් තියෙනවද බලන්න

ශ්‍රී ලංකාව තුළ හඳුනාගත් ආකර්ෂණීය නගර ආදර්ශ නගර ලෙස ඒවායේ උරුමයන් සහ අනන්‍යතාව ඉස්මතු වන අයුරින් ප්‍රතිසංවර්ධනය කිරීමටත්, එම නගර සන්නාමකරණය කිරීම තුළින් දේශීය සහ විදේශීය සංචාරකයන් අතර ප්‍රචලිත කිරීමටත් 2026 අයවැය ප්‍රතිපාදන මගින් රුපියල් මිලියන 1,300ක මුදලක් ප්‍රවාහන, මහා මාර්ග සහ නාගරික සංවර්ධන අමාත්‍යාංශය වෙත වෙන් කර තිබේ.

ඒ අනුව, අනුරාධපුරය, කතරගම, කොළඹ හා මහනුවර යන නගරවල අනන්‍යතාව සහ සුවිශේෂත්වය ඉස්මතු වන පරිදි නගර සන්නාමකරණය (City Branding) සංකල්පය පදනම් කර ගනිමින් යෝග්‍ය උපදේශක සේවා ආයතනයක් විසින් සිදු කරනු ලබන අධ්‍යයනයකට අනුව එම ව්‍යාපෘතිය ක්‍රියාත්මක කිරීමට අපේක්ෂා කරනු ලැබේ. ඒ සඳහා 2026 වර්ෂය වෙනුවෙන් රුපියල් මිලියන 325ක් පමණ වැය වනු ඇතැයි ඇස්තමේන්තු කර තිබේ.

හිටපු හමුදාපති ශවේන්ද්‍ර සිල්වා සජබෙන් දේශපාලනයට? සමාජ මාධ්‍ය කලඹමින් පුවතක් පැතිරෙයි

එමෙන්ම, නාගරික සංවර්ධන ක්ෂේත්‍රයේ විධිමත්, ප්‍රමුඛතාගත සහ දත්ත මත පදනම් වූ ප්‍රවේශයක් ප්‍රවර්ධනය කිරීම අරමුණු කර ගනිමින්, නගර 10ක් සංවර්ධනය කිරීමේ වැඩසටහන ක්‍රියාත්මක කිරීම සඳහා ද 2026 වර්ෂයේ අයවැය මගින් යෝජනා කරනු ලැබ ඇත.

එම වැඩසටහන යටතේ, යාපනය, මාතලේ, හැටන්, මඩකලපුව, හලාවත, තඹුත්තේගම, වවුනියාව, ඇහැළියගොඩ, බදුල්ල සහ මාතර යන නගරවල හඳුනා ගනු ලැබ ඇති ප්‍රමුඛතාගත කරන ලද ව්‍යාපෘති 217ක් ක්‍රියාත්මක කිරීමට සැලසුම් කරනු ලැබ තිබේ.

ආයෙත් ඉන්ධන මිල වැඩිවීමක්ද? මිල වැඩි කරලත් පාඩු බව තෙල් සංස්ථාව නිවේදනය කරයි

ඒ අනුව, නගර සන්නාමකරණ ව්‍යාපෘතිය සඳහා 2026 අයවැය ප්‍රතිපාදන මගින් වෙන් කරන ලද මුදලින් ඉතිරි වන රුපියල් මිලියන 975ක ප්‍රතිපාදන සහ හැටන් සහ මාතලේ යන නගර සංවර්ධනය කිරීමේ කටයුතු ද මෙම වැඩසටහන මඟින් ආවරණය වන බැවින් එම නගර සංවර්ධනය කිරීම සඳහා වෙන් කරනු ලැබ ඇති රුපියල් මිලියන 500ක ප්‍රතිපාදන ද ඇතුළත්ව සම්පූර්ණ රුපියල් මිලියන 1,475ක් යොදා ගනිමින් 2026 වසර වෙනුවෙන් නගර 10ක් සංවර්ධනය කිරීමේ වැඩසටහන යටතේ හඳුනාගනු ලැබ ඇති ව්‍යාපෘති කඩිනමින් ක්‍රියාත්මක කිරීම පිණිස ප්‍රවාහන, මහා මාර්ග සහ නාගරික සංවර්ධන අමාත්‍යවරයා ඉදිරිපත් කළ යෝජනාවයි අමාත්‍ය මණ්ඩලය විසින් අනුමත කර ඇත.