බඩි ගැන විමර්ශන කඩිනම් කර සැකකරුවන් අත්අඩංගුවට ගන්නැයි නියෝග

නව අධ්‍යාපන ප්‍රතිසංස්කරණ යටතේ 6වැනි ශ්‍රේණියේ ඉංග්‍රීසි විෂය මොඩියුලය තුළ දරුවන්ට නුසුදුසු වෙබ් අඩවියක නමක් සඳහන් වී ඇති බවට එල්ල වූ චෝදනා සම්බන්ධයෙන් සිදු කෙරෙන විමර්ශනය කඩිනම් කර එයට අදාළ සැකකරුවන් වහාම අත්අඩංගුවට ගන්නැයි ගංගොඩවිල මහේස්ත්‍රාත් රුවන්තිකා මාරසිංහ මහත්මිය අද (20) අපරාධ පරීක්ෂණ දෙපාර්තමේන්තුවට (CID) නියෝග කර තිබේ.

මෙම නිතී කෘත්‍යය අද කොළඹ ගංගොඩවිල මහේස්ත්‍රාත් අධිකරණයේදී කැඳවනු ලැබූ අවස්ථාවේදී මහත්මිය මෙම නියෝගය නිකුත් කළාය.

අදාළ මොඩියුලයේ සඳහන් වූ වෙබ් අඩවිය ළමුන්ට සුදුසු නොවන අන්තර්ගතයන් ඇතුළත් බවට පැමිණිලි එල්ල වී තිබූ අතර, එය ළමුන්ගේ මානසික හා සදාචාරාත්මක සංවර්ධනයට බලපෑමක් ඇති කළ හැකි බවට චෝදනා එල්ල වී තිබේ.

ගෑස් හිඟය අහම්බයක් නෙවෙයි.. විගණන වාර්තාවෙන් බරපතළ අනාවරණයක්

මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව මේ වන විටත් විමර්ශනයක් පවත්වාගෙන යන බවත්, මහේස්ත්‍රාත්වරියගේ නියෝගය අනුව එය වේගවත් කිරීමට හා සැකකරුවන් හඳුනාගෙන අත්අඩංගුවට ගැනීමට කටයුතු කරන බවත් වාර්තා වේ.

අධ්‍යාපන අමාත්‍යාංශය හා පාසල් පද්ධතිය තුළ මෙවැනි අනවශ්‍ය අන්තර්ගතයන් ඇතුළත් වීම වළක්වා ගැනීම සඳහා වැඩිදියුණු කළ තත්ත්ව පරීක්ෂා ක්‍රමවේදයක් හඳුන්වා දිය යුතු බවට ද බොහෝ දෙනෙකු අදහස් දක්වා තිබේ.

මෙම නඩුව ඉදිරියට කැඳවනු ලැබෙන අවස්ථාවේදී විමර්ශනයේ ප්‍රගතිය පිළිබඳ වාර්තාවක් ඉදිරිපත් කරන ලෙසත් මහේස්ත්‍රාත්වරිය නියෝග කර තිබේ.

මේ දිනෙන් පසු බඳවා ගත් රාජ්‍ය සේවකයින්ට සුබ ආරංචියක් - විශ්‍රාම වැටුප් සම්බන්ධයෙන් රජයෙන් නව චක්‍රලේඛයක්

විශ්‍රාම වැටුප් තාවකාලිකව නතර වේ - රජයෙන් දැඩි තීරණයක්