දුම්රිය ස්ථානයේ උණුසුම් තත්වයක් - විදේශිකයන් අමාරුවේ

(25) දින අඹේවෙළ සිට බදුල්ල දක්වා පස්වරු 1:30ට ධාවනය වූ ඕඩිසි දුම්රියේ මාර්ගගත (online) ක්‍රමයට ප්‍රවේශපත්‍ර ලබා ගත් සංචාරකයන්ට පමණක් එම දුම්රියෙන් ගමන් කිරිමට (25) දින අඹේවෙළ දුම්රිය ස්ථානයේ නිළධාරින් පියවර ගෙන ඇත. මේ හේතුවෙන් විදේශිකයන් රැසකට එම දුම්රියෙන් ගමන් කිරිමට නොහැකි වු නිසා අඹේවෙළ දුම්රිය ස්ථානය තුල උණුසුම් තත්වයක් ඇති විය.

වෙනත් දිනවල ඕඩිසි දුම්රියෙන් ගමන් කිරිමට මාර්ගගත ක්‍රමය ඔස්සේ ප්‍රවේශපත්‍ර ලබා ගත් සංචාරකයන්ට අමතරව එම දුම්රියෙන් ආසන නොමැතිව සිටගෙන යැමට කැමති සංචාරකයන්ට පළමු පන්තියේ ආසනයක් සදහා රු.7000ක මුදලක්ද, දෙවන පන්තියේ ආසනයක් සදහා රු.6000ක් සහ තුන්වන පන්තිය සදහා රු.5000ක මුදලක් ලබා ගෙන අඹේවෙළ දුම්රිය ස්ථානයේන් එම විදේශිකයන්ට ප්‍රවේශපත්‍රයක් නිකුත් කරනු ලබයි.

මේ පැතිවල කොණ්ඩේ රැවුල බාන්න 200ට වඩා ගන්න බෑ - පාසල් සිසුන්ට නානාප්‍රකාර කොණ්ඩ කැපීමත් තහනම්

(25) දින සිට එලෙස මුදල් රැගෙන ප්‍රවේශපත්‍ර නිකුත් කිරිම තහනම් කිරිමත් සමග එම දුම්රියෙන් ආසන සංඛ්‍යාවට අනුව සංචාරකයන් 359 දෙනෙකු පමණක් ගමන් කල අතර, එම දුම්රියෙන් ගමන් කිරිමට පැමිණි සංචාරකයන් 100කට ආසන්න පිරිසක් ගමන් කිරිමට නොහැකිව ආපසු ඔවුන් පැමිණි වාහන වලින්ම ඇල්ල දක්වා යැමට පියවර ගෙන ඇත.

ඕඩිසි දුම්රියේ වෙනුවට වෙනත් දුම්රියක් එක් කල යුතු බවත්, නැතහොත් වෙනදා මෙන් මුදල් ගෙවා ප්‍රවේශපත්‍රයක් ලබා ගෙන විදේශිය සංචාරකයන්ට යෑමට අවස්ථාව ලබා දිය යුතු බව විදේශික සංචාරකයන් රැගෙන ආ මග පෙන්වන්නන් පවසයි.

වාහනේ මේ ගැටලුව හදාගන්න - නැත්නම් වාහන ආදායම් බලපත්‍රය අහිමිවෙයි

විදේශික සංචාරකයන් රැගෙන ආ මග පෙන්වන්නන් වැඩිදුරටත් පවසා සිටියේ මාර්ගගත ක්‍රමයට ප්‍රවේශපත්‍ර ලබා ගැනීමේදි ගැටළු රැසක් මතුවන නිසා එම මිලටම අඹේවෙළ දුම්රිය ස්ථානයේන් මුදල් ගෙවා ප්‍රවේශපත්‍රයක් ලබා ගෙන යැමට විදේශිකයන්ට අවස්ථාව ලබා දිය යුතු බවයි.

(25) දින සිට දුම්රිය දෙපාර්තමේන්තුවේ නියෝගයක් මත මාර්ගගත ක්‍රමයට ප්‍රවේශපත්‍ර ලබා ගත් විදේශිකයන්ට පමණක් දුම්රියෙන් ගමන් කිරිමට අවස්ථාව ලබා දෙන බව තොරතුරු වාර්තා වේ.

සර්වාංග රෝගවලට තිත තබන සිද්ධාදී වෙද මැදුර