ඉදිරි පැය 48 තුළ විශේෂ දෙයක් බලාපොරොත්තුවෙන් සිටින්න.

කාර්ය සාධක බලකාය විසින් තීරණය කරන ලද රට නැවත විවෘත කිරීම සඳහා වන මාර්ගෝපදේශ සහ රෙගුලාසි ඉදිරි දින දෙක තුළ ඔක්තෝම්බර් 1 දා රට නැවත විවෘත කිරීම පිළිබඳව ජනාධිපතිවරයා තහවුරු කරන බව යුද හමුදාපති ජෙනරාල් ශවේන්ද්‍ර සිල්වා මහතා පැවසීය.

ඔහු මේ බව සඳහන් කළේ ඊයේ (27) දළදා මාලිගාවට ගිය පසු මහනුවරදී මාධ්‍යවේදීන් අමතමිනි. තවද, ඔහු පෙන්වා දුන්නේ දෛනික COVID රෝගීන් 1000 දක්වා අඩු කර ඇති අතර මරණ 75 සිට 50 දක්වා අඩු කර ඇති බවයි.

මේ අතර, නිරෝධායන ඇඳිරි නීතිය ඉවත් කිරීම හෝ දිගටම ක්‍රියාත්මක කිරීම පිළිබඳව ඉදිරි දින දෙක තුළදී ජනාධිපතිවරයා නිවේදනය කරනු ඇත.

ඉදිරියේදී අනුගමනය කළ යුතු සෞඛ්‍ය මාර්ගෝපදේශ සකස් කරන ලෙස ජනාධිපතිවරයා සෞඛ්‍ය සේවා අධ්‍යක්ෂවරයාට උපදෙස් ලබා දී ඇති බව යුද හමුදාපති ජෙනරාල් ශවේන්ද්‍ර සිල්වා මහතා සඳහන් කළේය.

මේ අතර ලබන මස පළවැනිදා රට සාමාන්‍ය පරිදි විවෘත කර සියලු ම රාජ්‍ය සේවකයන් සෞඛ්‍ය ආරක්ෂිත ක්‍රමවේද වලට අනුව සේවයට කැඳවීමට රජය තීරණය කර තිබෙනවා.

මේ අතර පෞද්ගලික අංශයේ සේවකයන්ද ලබන මස පළවැනිදා සිට සාමාන්‍ය පරිදි කැඳවීම සඳහා අවසර දීමට ද රජය තීරණය කර තිබෙන බවයි වාර්තා වන්නේ.

ඒ අනුව ලබන මස පළවෙනිදා සිට රාජ්‍ය සේවකයන් උදේ නවයට කැඳවීමට තීරණය කර ඇති අතර, පෞද්ගලික අංශයේ සේවකයන් උදේ දහයට කැඳවීම සඳහා අවසර දීමට ද තීරණය වූ බවයි වාර්තා වන්නේ.

රාජ්‍ය හා පෞද්ගලික අංශයේ සේවකයින්ට පැමිණීමට හැකිවන සේ දුම්රිය සහ බස් සේවා සෞඛ්‍ය ක්‍රමවේද වලට අනුව සමාන පරිදි ධාවනය කරවීමට ද එහිදී තීරණය වී තිබෙනවා.

රාජ්‍ය සේවකයන් කැඳවීම සම්බන්ධයෙන් ව්ශේෂ චක්‍රලේඛයක් රාජ්‍ය සේවා, පළාත් සභා හා පළාත් පාලන අමාත්‍යාංශ ලේකම්වරයා විසින් ළඟදීම නිකුත් කෙරෙනු ඇති.

මේ අතර රට සාමාන්‍ය පරිදි විවෘත කිරීම සම්බන්ධයෙන් සෞඛ්‍ය අමාත්‍යාංශය විසින් නව සෞඛ්‍ය මාර්ගෝපදේශ මාලාවක් ද ඉදිරියේදී නිකුත් කෙරෙනු ඇති.

මේ පිළිබඳ විශේෂ සාකච්ඡාවක් මුදල් අමාත්‍ය බැසිල් රාජපක්ෂ මහතාගේ ප්‍රධානත්වයෙන් මුදල් අමාත්‍යාංශයේ දී ඊයේ දහවල් පැවැති අතර, කම්කරු ඇමති නිමල් සිරිපාල ද සිල්වා, රාජ්‍ය සේවා පළාත් සභා හා පළාත් පාලන ඇමති ජනක බණ්ඩාර තෙන්නකෝන්, සෞඛ්‍ය ඇමැති කෙහෙළිය රඹුක්වැල්ල යන මහත්තුරු ද ,ප්‍රවහාන ඇමති පවිත්‍රා වන්නිආරච්චි මහත්මිය, අමාත්‍යාංශ ලේකම්වරුන් ,පොලිස්පතිවරයා ඇතුළු රාජ්‍ය නිලධාරිහුද බස් සංගම්, ත්‍රීරෝද සංගම් ඇතුළු සංගම් වල නියෝජිත පිරිසක් ද ඊට සහභාගි වුණා.