‘‘දිට්වාවට‘‘ මාස හතරක් නාවලපිටිය දුම්රිය තවමත් නැහැ

මෙරටට බලපෑ දිට්වා සුළි කුණාටුවත් සමග ඇති වූ අධික වර්ෂාව නිසා නාය යමෙන් දුම්රිය මාර්ගයට වූ දැඩි හානි නිසා උලපනේ වරකාපිටිය දුම්රිය ස්ථානය ආසන්නයේ නතර වූ දුම්රිය මාස හතරක් තිස්සේ තවමත් එම ස්ථනයේම නවතා ඇතැයි දුම්රිය දෙපාර්තමේන්තු ආරංචි මාර්ග සදහන් කර තිබේ . 

කොළඹ සිට මහනුවර නාවලපිටිය හරහා නානූඔය බලා ධාවනය වූ එම දුම්රියේ මැදිරි නමයකි, වායූ සමනය කළ මැදිරිරියක්ද ඇත.

දුම්රිය ස්ථානාධිපති වරුන්ගේ වෘත්තීය සමිතිය සදහන් කරන්නේ එන්ජිම පමණක් රුපියල් කෝටි 20 ක් පමණ වටින අතර මුලු දුම්රියේම වටිනාකම රුපියල් කෝටි 70 ක් පමණ වන බවයි.

 මෙම දුම්රිය අලුත්ම තත්ත්වයේ එකක් වන අතර ,දුම්රිය මාර්ගය ඉතා බරපතළ ලෙස නායයාමෙන් අබලන් වී තිබෙන බැවින් මෙම දුම්රිය කිසිදු දුම්රිය ස්ථානයකට ගෙන යා නොහැකි බව දුම්රිය රියදුරු වෘත්තීය සමිති නියෝජිතයෝ සදහන් කරයි.

ඉන්දියාවේ ගුවන් ගිලන් රථයක් කඩා වැටීමෙන් 7ක් මරුට

දෛනිකව රුපියල් ලක්ෂ 04 ක ආදායමක් ලබන මෙම දුම්රිය මෙලෙස ධාවනය අකර්මණ්‍ය වීම නිසා දුම්රිය දෙපාර්තමේන්තුවට සිදුවන පාඩුව රුපියල් කෝටි ගණනක් වේ .

මෙම දුම්රිය නවතා තිබෙන දුම්රිය මාර්ගය පිහිටි උලපනේ වරකාපිටිය ප්‍රදේශයේ බරපතළ ලෙස සිදුවී තිබෙන නායයාමෙන් දුම්රිය මාර්ගයටද දැඩි ලෙස හානි සිදුව ඇත.