"ඒ මම නෙවෙයි.." - පොලීසියත් එක්ක පැටලුණු අර්චුනාට.. අද සිදුවුණ දෙය මෙන්න..(VIDEO)
krishani
අද (22) දින, පාර්ලිමේන්තු මන්ත්‍රී රාමනාදන් අර්චුනා මහතා සම්බන්ධ නඩුව කල් දැමීට අනුරාධපුර මහෙස්ත්‍රාත් අධිකරණය නියෝග කළේ ය.
ඒ අධිකරණයේ දී නිවැරදි සැකකරු සොයාගැනීමට නොහැකි වීම හේතුවෙන් ය
ඒ අනුව, එළැඹෙන 03 වනදා දක්වා එම නඩුව කල් තැබිණ.
අද පාර්ලිමේන්තු මන්ත්‍රී රාමනාදන් අර්චුනා මහතා අධිකරණයට ඉදිරිපත් විය.
ඒ මෝසමක් යොමු කරමින් ය.
අදාළ නඩුව කැඳවු අවස්ථාවේ දී අනුරාධපුර පොලීසිය විසින් සැකකරුගේ නම යොදා ඇත්තේ "අර්ජුනා ලෝචන්" ලෙසින් වේ.
නමුත් රියදුරු බලපත්‍රයේ ඒ මහතාගේ නම ඇත්තේ රාමනාදන් අර්චුනා ලෙස ය.
ඒ හේතුවෙන්, අධිකරණය නියෝග කළේ නිවැරදි සැකකරු සොයා අධිකරණයට වාර්තා කරන ලෙසයි.
මේ අතර, ඊයේ (21) ඒ මහතා පාර්ලිමේන්තු සභාවාරයට සහභාගී වීමට කොළඹ බලා පැමිණෙමින් සිට තිබෙනවා.
එහිදී අනුරාධපුර රඹෑව ප්‍රදේශයේ දී රථවාහන රාජකාරියේ යෙදී සිටි පොලිස් නිලධාරීන් පිරිසක් සමඟ ඔහු ආරවුලක් ඇති කරගෙන තිබිණ.
ඒ අනුව පොලීසිය විසින් මෝටර් රථ ප්‍රවාහන පනත මෙන්ම දණ්ඩ නීති සංග්‍රහය යටතේ අධිකරණයට කරුණු ගොනුකර තිබෙනවා.
වීඩියෝ දර්ශන පහතින්,
