‘මානසික නක්සල්වාදීන්’ ගැන මෝදිගෙන් සැර ප්‍රකාශයක් - තරුණයන් හමුවේ දැඩි අනතුරු ඇඟවීමක්

ඉන්දියාවේ අග්‍රාමාත්‍ය නරේන්ද්‍ර මෝදි, නවදිල්ලියේ ශ්‍රී රාම් වාණිජ විද්‍යාලයේ සියවස් සැමරුම් උත්සවයට එක්වෙමින් විපක්ෂයට එල්ල කළ විවේචනයක් අතරතුර ‘මානසික නක්සල්වාදීන්’ (Dimagi Naxals) යන යෙදුම යළි භාවිත කර තිබේ.

තරුණ පරපුර කේන්ද්‍ර කරගත් සිය දේශනයේදී මෝදි අග්‍රාමාත්‍යවරයා සඳහන් කළේ, රතු බලකොටුවේදී කළ කතාවකදී තමන් භාවිත කළ ‘මානසික නක්සල්වාදී’ යන යෙදුම හෝමියෝපති ඖෂධයකට සමාන කළ බවයි.එම යෙදුම භාවිත කිරීමෙන් පසු ඊට ප්‍රතිචාර දක්වන පුද්ගලයන් හරහා ඔවුන්ගේ සැබෑ ස්වරූපය ජනතාවට දැකගත හැකි වූ බවද ඔහු ප්‍රකාශ කළේය. “මානසික නක්සල්වාදීන් සඳහා වූ හෝමියෝපති පෙත්ත ලබා දුන් විට ඔවුන් එකිනෙකා පිටතට පැමිණීමට පටන් ගත්තා. දැන් ඔවුන් ප්‍රවර්ධනය කරන දේවල සැබෑ ස්වරූපය ජනතාවට දැකගත හැකියි,” යනුවෙන් මෝදි පැවසීය.

රුසියා – යුක්රේන යුද්ධය අවසන් කිරීමේ සාකච්ඡා සඳහා ට්‍රම්ප්ගේ විශේෂ නියෝජිතයින් මොස්කව් නුවරට

එමෙන්ම ඉන්දියාව සංවර්ධිත රටක් බවට පත් කිරීම සඳහා තරුණ පරපුරට අභිලාෂකාමී දැක්මක් ගොඩනගා ගැනීමේ අවශ්‍යතාව පිළිබඳවද අග්‍රාමාත්‍යවරයා සිය දේශනයේදී අවධානය යොමු කළේය.

අතීතයේදී රට මුහුණ දුන් අර්බුද සම්බන්ධයෙන් අදහස් දැක්වූ ඔහු, 2013 වසරේ කේදර්නාත් ප්‍රදේශයේ ඇති වූ ආපදා තත්ත්වය සහ 2008 ගෝලීය මූල්‍ය අර්බුදය උදාහරණ ලෙස ඉදිරිපත් කළේය. 2008 බැංකු අර්බුදයේදී එවකට පැවති රජය එම අර්බුදයට නිසි ලෙස මුහුණ දීමට අපොහොසත් වූ බවත්, එහි ප්‍රතිඵලයක් ලෙස ඉන්දියාවේ බැංකු පද්ධතිය දැඩි අර්බුදයකට පත්වූ බවත් මෝදි චෝදනා කළේය.

තම රජය බලයට පත්වීමෙන් පසු මුහුණ දුන් අභියෝග පිළිබඳවද ඔහු සඳහන් කළේය. කොවිඩ්-19 වසංගතය, රුසියා-යුක්රේන යුද්ධය, ගෝලීය වෙළෙඳ හා සැපයුම් දාම අර්බුද සහ මැදපෙරදිග ඇති වූ අර්බුද ඇතුළු තත්ත්ව රැසක් හමුවේ ඉන්දියාව ඉදිරියට ගෙන යාමට තම රජය කටයුතු කළ බව ඔහු පැවසීය.

මෙම සෑම අවස්ථාවකදීම “දැන් ඉන්දියාවට ඉදිරියට යා නොහැකි වනු ඇතැයි” ඇතැමුන් ප්‍රකාශ කළද, ජනතාවගේ සහයෝගය හේතුවෙන් එවැනි අපේක්ෂා ඉටු නොවූ බවද මෝදි සඳහන් කළේය.

මෝදි මීට පෙර 2013 වසරේදී ගුජරාට් ප්‍රාන්තයේ මහ ඇමතිවරයා ලෙස කටයුතු කරන අවස්ථාවේදීද ශ්‍රී රාම් වාණිජ විද්‍යාලය වෙත පැමිණ සිසුන් අමතා තිබුණි. එම දේශනය 2014 ලෝක් සභා මැතිවරණයට පෙර සමාජ මාධ්‍ය ඔස්සේ විශාල අවධානයක් දිනාගෙන තිබිණි.

ඉම්රාන් ඛාන්ගේ සෞඛ්‍ය තත්ත්වය පිරිහෙයි - පුතුන්ගෙන් දැඩි චෝදනා