මැද පෙරදිග යුද්ධයෙන් ලංකාවට වන බලපෑම හොයන්න අමාත්‍ය අනු කමිටුවක්

මැදපෙරදිග කලාපයේ මේ වනවිට උද්ගතවී ඇති යුද තත්ත්වය සමග ලංකාවට මුහුණදීමට සිදුවන අභියෝග සම්බන්ධයෙන් සොයා බලා කඩිනම් ක්‍රියාමාර්ග ගැනීමට අමාත්‍ය මණ්ඩල අනුකමිටුවක් පත්කර තිබෙනවා.

පූර්ව සුදානමක් ලෙස මෙම තීරණය ගෙන ඇති අතර, එයට අමාත්‍ය මණ්ඩල අනුමැතිය හිමිව ඇත.

මෙම අමාත්‍ය මණ්ඩල අනුකමිටුව පත්කර ඇත්තේ මැදපෙරදිග යුදමය තත්ත්වය පිළිබඳව සමීපව අධ්‍යයනය කරමින්, බලපෑමට ලක්විය හැකි සියලු කේෂ්ත්‍ර, බලපෑමේ ප්‍රමාණයන් සහ ඒ සම්බන්ධයෙන් ගත යුතු කඩිනම් ක්‍රියාමාර්ග පිළිබඳ සමාලෝචනයක් සිදුකිරීමටයි.

ඊශ්‍රායල් ප්‍රහාර වලින් ඉරානයේ 606ක් මරුට

එම අනුකමිටුවට සහාය වීම සඳහා අමාත්‍යාංශ ලේකම්වරුන්ගෙන් සමන්විත කමිටුවක් පත්කර ඇත.

කමිටු සාමාජිකයින් මෙසේය.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත් (සභාපති)

වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න

වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ

බලශක්ති අමාත්‍ය ඉංජිනේරු කුමාර ජයකොඩි.  

රුසියාවෙන් ප්‍රහාරයක් - 17ක් මරුට 200කට වැඩි පිරිසකට තුවාල