3 ශ්‍රේණියේ සිසුන්ට අමානුෂික ලෙස පහරදුන් ගුරුවරයාට නීතිය ක්‍රියාත්මක කළ හැටි

කොළඹ අධ්‍යාපන කලාපයේ පිරිමි පාසලක 3 වන ශ්‍රේණියේ සිසුන්ට අමානුෂික දඬුවම් දීම සම්බන්ධයෙන් ජාතික ළමා ආරක්ෂක අධිකාරිය විමර්ශනයක් ආරම්භ කර ඇති බව ජාතික ළමා ආරක්ෂක අධිකාරියේ (NCPA) නීති ක්‍රියාත්මක කිරීමේ අධ්‍යක්ෂිකා සජීවනී අබේකෝන් මහත්මිය පවසනවා.

සමාජ මාධ්‍ය ඔස්සේ ව්‍යාප්ත වූ එම චෝදනාවට අදාළ වීඩියෝවක් සම්බන්ධයෙන් අප්‍රේල් 8 වන දින ලැබුණු පැමිණිල්ලක් අනුව ජාතික ළමා ආරක්ෂක අධිකාරියේ විශේෂ විමර්ශන ඒකකය විසින් මෙම පරීක්ෂණය ආරම්භ කළ බව ඇය මාධ්‍ය වෙත සඳහන් කර තිබෙනවා.

ජාතික ළමා ආරක්ෂක අධිකාරිය විසින් සඳහන් කරන ආකාරයට, කොළඹ අධ්‍යාපන කලාපයේ පිරිමි පාසලක සේවය කරන ආර්. ගණේෂමූර්ති නමැති ප්‍රාථමික පාසල් ගුරුවරයෙකු ඔහුගේ භාරයේ සිටි 3 වන ශ්‍රේණියේ සිසුන්ට වානේ මගින් නිෂ්පාදිත රූලරයකින් පහර දී දඬුවම් කර ඇති බව චෝදනා කරනවා.

මේ අතර මෙම දඬුවමට ලක් වූ හත් හැවිරිදි පිරිමි ළමුන් දෙදෙනෙකුගෙන්, ඔවුන්ගේ දෙමාපියන්ගෙන්, නියෝජ්‍ය විදුහල්පතිවරයාගෙන් සහ පාසලේ වෙනත් දෙමාපියන්ගෙන් ප්‍රකාශ සටහන් කර ගෙන තිබෙනවා.

‘සුපර් මුස්ලිම්’ අන්තවාදී කණ්ඩායම ගැන ජනපති කියයි

විදෙස්ගමන් බලපත්‍රයට හිමි පිළිගැනීම ඉහලට