මහජන උපයෝගිතා කොමිසමේ සභාපතිවරයා සම්බන්ධයෙන් තීරණයක් ගනී - බලශක්ති ඇමතිට ජනකගෙන් උත්තරයක්..

මහජන උපයෝගීතා කොමිසමේ සභාපති ජනක රත්නායක එම ධුරයෙන් ඉවත් කිරීමට තීරණය කර ඇති බව විදුලි බල අමාත්‍ය කංචන විජේසේකර පැවසුවේ ය.

එම සභාපතිවරයාට අදාළව එම චෝදනා පත්‍රය ද මේ වනවිට (29) සකසා අවසන් කර ඇති බව ඒ මහතා වැඩිදුරටත් පැවසීය.

එම චෝදනා පත්‍රය සහ ජනක රත්නායකව එම ධුරයෙන් ඉවත් කිරීමට ආණ්ඩු පක්ෂයේ සියලු මන්ත්‍රීවරුන්ගේ එකඟතාව ද හිමිව ඇති බව අමාත්‍යවරයා අද පෙරවරුවේ පැවති මාධ්‍ය හමුවක දී සඳහන් කළේ ය.

කෙසේවෙතත් තමන්ට එරෙහිව විදුලි බල අමාත්‍ය කංචන විජේසේකර විසින් සකසනු ලැබ ඇති බව පවසන චෝදනා පත්‍රයට මුහුණදීමට තමන් නොඉවසිල්ලෙන් බලා සිටින බව මහජන උපයෝගිතා කොමිසමේ සභාපති ජනක රත්නායක පැවසීය.