රජයේ වෛද්‍යවරු හෙට සිට අඛණ්ඩ වෘත්තීය ක්‍රියාමාර්ගයක

ශ්‍රී ලංකාවේ සෞඛ්‍ය අමාත්‍යාංශය එකඟ වූ විසඳුම් ක්‍රියාත්මක කිරීමට අපොහොසත් වීම හේතුවෙන්, දිවයින පුරා රජයේ රෝහල්වල වෛද්‍යවරු ජනවාරි 26 වැනිදා සිට අඛණ්ඩ වෘත්තීය ක්‍රියාමාර්ගයක් ආරම්භ කර තිබේ.

මෙය රජයේ වෛද්‍ය නිලධාරීන්ගේ සංගමය විසින් ප්‍රකාශයට පත් කළ තීරණයකි. ඔවුන්ගේ ප්‍රධාන ඉල්ලීම් අතර 2026 අයවැය යෝජනා තුළින් සෞඛ්‍ය සේවාවේ හා වෛද්‍යවරුන්ගේ ගැටලුවලට නිසි විසඳුම් ලැබී නොමැති බවත්, පෙර එකඟතා ක්‍රියාත්මක නොකිරීමත් ඇතුළත් වේ.

පසුගිය දිනවලදී රජයේ වෛද්‍ය නිලධාරීන්ගේ සංගමය විසින් ජනවාරි 23 වැනිදා සිට පැය 48ක සංකේත වැඩවර්ජනයක් දියත් කළ අතර, එය ජනවාරි 25 වැනිදා උදෑසන 8.00ට අවසන් විය. එහෙත් රජයෙන් තවදුරටත් සැලකිය යුතු ප්‍රතිචාරයක් නොලැබුණු බැවින්, ජනවාරි 26 සිට අඛණ්ඩ  වෘත්තීය ක්‍රියාමාර්ගයකට පිවිසීමට තීරණය කර ඇත.

මෙම ක්‍රියාමාර්ගය හේතුවෙන් රෝහල්වල සාමාන්‍ය සේවාවන්ට  බලපෑම් ඇති විය හැකි අතර, හදිසි සේවා   පවත්වාගෙන යාමට රජයේ වෛද්‍ය නිලධාරීන්ගේ සංගමය ප්‍රකාශ කර තිබේ. 

ශිරන්තිගේ නමට කෝටි 40ක නිවසක් - අල්ලස් කොමිසමෙන් විශේෂ විමර්ශන