සෞදි අරාබියේදී මරණ දඬුවම හිමි වූ ලාංකිකයා වෙනුවෙන් රටම බලා සිටි පිළිතුර - විදේශ අමාත්යාංශයෙන් නිවේදනයක්
සෞදි අරාබියේදී අධිකරණ ක්රියාමාර්ගවලට මුහුණ දෙමින් සිටින අම්පාර, කල්මුණේ ප්රදේශයේ පදිංචි ශ්රී ලාංකිකයෙකු වන සිවරාසා අනෝජන් නැමැත්තාට එරෙහිව අභියාචනාධිකරණය මඟින් මරණ දඬුවම නියම කර ඇති බවට තොරතුරු වාර්තා වේ.
ඒ අනුව ඉලංගෙයි තමිළ් අරසු කච්චි (ITAK) පාර්ලිමේන්තු කණ්ඩායම් නායක, මඩකලපුව දිස්ත්රික් පාර්ලිමේන්තු මන්ත්රී ශානක්යන් රාසමාණික්කම් මහතා පවසා ඇත්තේ ඔහුගේ ජීවිතය බේරාගැනීම සඳහා ඉහළම රාජ්යතාන්ත්රික මට්ටමින් වහා මැදිහත් වන ලෙසයි.
කෙසේ වෙතත් ෆේස්බුක් සටහනක් සම්බන්ධයෙන් සෞදි අරාබියේ අල්-අහ්සා (Al-Ahsa) අපරාධ අධිකරණය මඟින් අනෝජන්ට එරෙහිව වසර 5ක සිරදඬුවමක් සහ සෞදි රියාල් මිලියන 3ක දඩයක් මුලින් නියම කර තිබූ අතර, එම තීන්දුවට එරෙහිව අභියාචනයක් ඉදිරිපත් කිරීමෙන් අනතුරුව මෙම මරණ දඬුවම නියම වී ඇති බව සඳහන්.
එබැවින් විදේශ කටයුතු, විදේශ රැකියා සහ සංචාරක අමාත්යාංශය අද (18) දින නිවේදනයක් නිකුත් කරමින් සඳහන් කර ඇත්තේ රියාද් හි පිහිටි ශ්රී ලංකා තානාපති කාර්යාලය ඔස්සේ සෞදි බලධාරීන් සමඟ රාජ්යතාන්ත්රික මට්ටමින් සම්බන්ධ වෙමින් අනෝජන් සිවරාසාගේ අයිතිවාසිකම් සුරක්ෂිත කිරීමට සහ අවශ්ය සහාය ලබා දීමට පියවර ගනිමින් සිටින බවයි.
එමෙන්ම මෙම අභියාචනා ක්රියාවලියේදී සිදුවූ අඩුපාඩු සහ විදේශ අමාත්යාංශයේ මැදිහත්වීම සම්බන්ධයෙන් ලබන සතියේ පාර්ලිමේන්තුවේදී ප්රශ්න කිරීමට බලාපොරොත්තු වන බව පැවසූ ශානක්යන් පාර්ලිමේන්තු මන්ත්රීවරයා, චෝදනා සෙවීමට වඩා මේ මොහොතේ මූලිකත්වය දිය යුත්තේ අහිංසක ලාංකිකයෙකුගේ ජීවිතය බේරාගැනීමට බව අවධාරණය කර ඇත.
එනිසා වහාම අදාළ නඩු තීන්දුවේ සම්පූර්ණ පිටපත ලබාගැනීම, අත්දැකීම් සහිත ස්වාධීන සෞදි නීතිඥ සහාය ලබාගැනීම, මානුෂීය පදනම මත සමාව අයැදීමේ සියලු මාර්ගයන් වෙත යොමුවීම සහ විදේශ අමාත්යවරයා සෞදි අරාබි විදේශ අමාත්යවරයා සමඟ කෙළින්ම සාකච්ඡා කර ඉහළම රාජ්ය මට්ටමේ මැදිහත්වීමක් සිදුකිරීම වහාම කළ යුතු බව ඔහු වැඩිදුරටත් සඳහන් කර ඇත.
![මගේ නම යොදාගෙන ගවයන් සේ හැසිරීමෙන් වළකින්න මගේ මාමණ්ඩි ඉන්නේ USA වල.." මාලිංග සැබෑ මාමණ්ඩිය ගැන එළි කරයි [VIDEO]](https://cdn.ibcstack.com/article/44538ff9-3db1-4fc7-a099-0a2b471d28dd/26-6aad20ff9da97-sm.webp)
![ඉන්දියාවේ තියෙන ඔලිම්පික් එකෙන් ක්රීඩාවට සමු දෙන්න තමයි බලාපොරොත්තු වෙන්නේ.. ලෝකෙම ආදරේ දිනූ හෙල්ලේ ශූරයා හෙල්ල අත් හරින දිනය දන්වයි [VIDEO]](https://cdn.ibcstack.com/article/34ffa7b5-79ac-416b-a4fd-67236edc1aed/26-6aacff8e2d0ea-sm.webp)
![බෝයිං ගුවන් යානයක් බිහිසුණු අනතුරක - අහසේදී යානයේ රෝදයකින් ටයරයක් ගැලවී යයි මගීන් මර බියෙන් හඬා වැටෙයි [VIDEO]](https://cdn.ibcstack.com/article/d70de26c-d579-4995-9098-b12ac0b8ef2f/26-6aaa3a43457c2-sm.webp)
![ශතකය ලබාගත් අභිෂේක් පිටිය මැද ‘භාවනා’ කරයි - වාර්තා බිඳ දමමින් අභිෂේක්ගෙන් සුපිරි ශතකයක් [HIGHLIGHT VIDEO]](https://cdn.ibcstack.com/article/6b9f507c-bac8-4d8d-8f2d-23fa1aa6cc1d/26-6aad272219a9b-sm.webp)
![''පරාජයන් හමුවේ පරණ ශ්රී ලංකා කණ්ඩායම එංගලන්තයේ නසාර්ට යළි මතක් වෙයි'' - සංගාත් කානගාටු වෙයි [VIDEO]](https://cdn.ibcstack.com/article/c820e204-ff1d-4df5-b0e2-287293bfc3e7/26-6aad148f19c6c-sm.webp)
