ධීවර ඇමතිගෙන් ප්‍රකාශයක් - හේතුව මෙන්න

ඉන්දියාවේදී ශ්‍රී ලාංකිකයෙකු අත්අඩංගුවට ගෙන දරුණු ලෙස පහරදීමේ සිදුවීම ධීවර, ජලජ හා සාගර සම්පත් අමාත්‍ය රාමලිංගම් චන්ද්‍රසේකර් මහතා දැඩි ලෙස හෙළා දකී.

මෙය බරපතළ ලෙස මානව හිමිකම් උල්ලංඝනය කිරීමක් බවත්, අසල්වැසි රටවල් අතර පවතින අන්‍යෝන්‍ය ගෞරවයට හා විශ්වාසයට ඉන් දැඩි බලපෑමක් එල්ල වන බවත් අමාත්‍යවරයා අවධාරණය කරයි.

ඕනෑම රටක මූලික වගකීමක් වන්නේ මහජනතාවගේ ආරක්ෂාව සහ ගෞරවය තහවුරු කිරීම බව පෙන්වා දුන් අමාත්‍යවරයා, මෙම අමානුෂික ක්‍රියාව කිසිසේත් අනුමත කළ නොහැකි බව ප්‍රකාශ කළේය.

අමාත්‍යවරයා මෙහිදී වැඩිදුරටත් අදහස් දක්වමින් සඳහන් කළේ, ඉන්දීය ධීවරයින් දිගු කලක් තිස්සේ ශ්‍රී ලංකා මුහුදු සීමාව උල්ලංඝනය කරමින් නීතිවිරෝධී ධීවර කටයුතුවල නිරත වුවද, ශ්‍රී ලාංකික ධීවරයින් බොහෝ අවස්ථාවලදී ඔවුන් දෙස සහෝදරත්වයේ හැඟීමකින් බලා සාමකාමීව කටයුතු කළ බවය.

මෙවර මැයි දිනය සැම­රී­මට මගේ බලා­පො­රො­ත්තු­වක් නෑ මෛත්‍රී කියයි

කෙසේ වෙතත්, ඉන්දීය ධීවරයන්ගේ අක්‍රමවත් ධීවර පිළිවෙත් හේතුවෙන් ශ්‍රී ලංකාවේ සමුද්‍ර සම්පත් කොල්ලකෑමට ලක්ව ඇති බවත්, එමගින් මෙරට සමුද්‍ර පරිසරයට සහ දේශීය ධීවරයාගේ ජීවනෝපායට බරපතළ හානි සිදුව ඇති බවත් ඔහු පෙන්වා දෙන ලදි.

අමාත්‍යවරයා සඳහන් කළේ ගැටලු නිරාකරණය කර ගැනීම සඳහා ඉන්දීය උසස් නිලධාරීන් සහ ධීවර බලධාරීන් සමඟ මට්ටම් කිහිපයකින් සාකච්ඡා පවත්වා ඇති බවයි.

 තවද නීතිවිරෝධී ධීවර කටයුතු වැළැක්වීම සඳහා දෙරට අතර ඒකාබද්ධ වැඩපිළිවෙලක් සහ ශක්තිමත් සහයෝගීතාවයක අවශ්‍යතාවය ද මෙහිදී අවධාරණය කර ඇත.

අමාත්‍ය රාමලිංගම් චන්ද්‍රසේකර් මහතා බලධාරීන්ගෙන් ඉල්ලා සිටින්නේ මෙම පහරදීම සම්බන්ධයෙන් වහාම සාධාරණ පරීක්ෂණයක් පවත්වා වරදකරුවන්ට එරෙහිව නීතිමය පියවර ගත යුතු බවයි.

[

මෙම තව දුරටත් ප්‍රකාශ කළේ මෙවැනි අවාසනාවන්ත සිදුවීම් නැවත ඇති නොවන බව සහතික කළ යුතු බවත්, දෙරට අතර පවතින සියලු ගැටලු සාමකාමී සාකච්ඡා සහ අන්‍යෝන්‍ය අවබෝධයෙන් විසඳා ගැනීම රජයේ ස්ථාවරය බවයි.