අධ්‍යාපනයට අමතරව වැඩසටහන් රැසක් අගමැතිනිය කතා කරයි

කොළඹ ගාලුමුවදොර හෝටලයේ පැවති හරිත සංක්‍රාන්තිය තුළ අධ්‍යාපනයේ කාර්යභාරය සම්බන්ධව ආසියා, මැදපෙරදිග, පැසිෆික් කලාපයේ රටවල් අතර සහයෝගීතාවය ඇති කර ගැනීමේ සම්මන්ත්‍රණය අමතමින් අග්‍රාමාත්‍ය ආචාර්ය හරිනි අමරසූරිය අධ්‍යාපනය පිලිබදව විශේෂ ප්‍රකාශ කිහිපයක් පවසා ඇත.

එහිදී ඇය විසින් අධ්‍යාපනය යනු සාමුහික ව දැනුම බෙදා ගැනීමේ ක්‍රියාවලියක් බවත්, මිනිසුන් දේශපාලන, සමාජ සහ ආර්ථික වශයෙන් එක් කිරීමට හැකියාව ඇත්තේ අධ්‍යාපනයට බවත් පැවසුවාය.

ආයේ බස් වෙලාවත් පාසල් වෙලාවත් වෙනස් වෙයි - ලංගම පෞද්ගලික බස් දෙකේම ලොකු වෙනසක්

යුරෝපීය සංගමය විසින් අරමුදල් සපයනු ලබන Erasmus+ වැඩසටහන, අධ්‍යාපනය, පුහුණුව, තරුණයින් සහ ක්‍රීඩා යන ක්ෂේත්‍රවල ජාත්‍යන්තර සහයෝගීතාව සඳහා ලොව ප්‍රමුඛතම වැඩසටහනක් වේ. එමෙන්ම රටවල් අතර සංචලතාව, අන්තර් සංස්කෘතික හුවමාරුව, ධාරිතා සංවර්ධනය සහ ප්‍රතිපත්ති සංවර්ධනය ප්‍රවර්ධනය කිරීම මෙහි අරමුණ වී ඇත.

මෙම වැඩසටහන මගින් ශ්‍රී ලංකාවේ උසස් අධ්‍යාපනය, වෘත්තීය පුහුණුව, තරුණ සංවර්ධනය සහ ආයතනික හවුල්කාරිත්වයන් සඳහා සහයෝගීතාව සහ අරමුදල් සැපයීම සඳහා අවස්ථා නිර්මාණය කරන අතර මෙම සම්මන්ත්‍රණය මේ මස 18 සිට 20 දක්වා කොළඹ ගෝල්ෆේස් හෝටලයේදී පැවැත්වේ.

ATM කාඩ් පාවිච්චි කරනවද? පරිස්සම් වෙන්න

ඒ අනුව මෙම වැඩසටහන හා එක්වූ අගමැතිනිය වැඩිදුරටත් ප්‍රකාශ කර ඇත්තේ, පශ්චාත් යටත් විජිතවාදයේ උරුමයක් ලෙස අපට ලැබුණු අධ්‍යාපනයේ ප්‍රතිඵලයක් ලෙස අපේ රට ඉහළ සාක්ෂරතා අනුපාත ඇති රටක් බවට පත්වෙලා තිබෙනවා.

නමුත් වර්තමානය වන විට අධ්‍යාපනය පුද්ගල සාර්ථකත්වය සහ ජයග්‍රහණය පමණක් ඉලක්ක කරගත් දෙයක් බවට පත් වී තිබෙනවා. මේ නිසා, අධ්‍යාපනයේ සැලසුම් සහ මූලධර්ම තරඟකාරිත්වය මත පදනම් වෙලා තිබෙනවා. එහි ප්‍රතිපලයක් ලෙස අපේ අධ්‍යාපන රටාව අතිශයින්ම තරඟකාරී සහ විභාග කේන්ද්‍ර කරගත් එකක් වෙලා, අධ්‍යාපනය යනු තනි පුද්ගල ජයග්‍රහණය පමණක්ම ඉලක්ක කරගත් ක්‍රියාවලියක් නෙමෙයි.

එක්කෙනෙක් කරාට හැමෝම වැරදි නෑ ලංකාව හොද රටක් හැමෝටම ස්තූතියි අතවරයට ලක් වූ විදෙස් තරුණිය කතා කරයි

අප දැන් උත්සාහ කරන්නේ මෙම ක්‍රමයෙන් ඈත් වෙලා අධ්‍යාපනය හුදෙක් උසස් ලකුණු ලබා ගැනීමක් පමණක් නොවී, සාමූහික දැනුම බෙදාගැනීම සහ පරිවර්තනීය අධ්‍යාපනයේ සැබෑ අරමුණ යථා තත්ත්වයට පත් කිරීමටයි. අධ්‍යාපනයට ඇති පරිවර්තනීය බලය බොහෝ විට අපට අමතක වෙනවා. එය පුද්ගල ජයග්‍රහණයට එහා ගිය දෙයක්. මිනිසුන් දේශපාලන, සමාජ -ආර්ථික වශයෙන් එක් කිරීමට අධ්‍යාපනයට හැකියාව තිබෙනවා.

ප්‍රසිද්ධ පාසලක සිසුවා අපයෝජනය කළ ගුරුවරා රිමාන්ඩ් හංගපු ප්‍රින්සිපල්ට ඇප - මීට කළිනුත් පැමිණිලි තිබිලා

ඒ නිසා අන්‍යෝන්‍ය බලාපොරොත්තුවක් සහ අන්‍යෝන්‍ය සාර්ථකත්වයක් ඇති ක්ෂේත්‍රයක් බවට අධ්‍යාපනය පත් කිරීම ඉතා වැදගත් අපේ නව අධ්‍යාපන ප්‍රතිසංස්කරණය තුලින් සහයෝගී ඉගෙනීම, එකිනෙකා කෙරෙහි වගකීම පිළිබඳ හැඟීමක් ඇති කිරීම, ලෝකය කෙරෙහි වගකීමසහගත හැඟීමක් ඇති කිරීම වගේම විශේෂයෙන්ම පරිසරය සම්බන්ධයෙන් අද අප මුහුණ දෙන ගෝලීය අරගල හමුවේ මෙය ඉතා වැදගත්. වර්තමාන ලෝකයේ වර්ධනය වන ආකාරයේ විද්‍යාත්මක නොවන ක්‍රම සහ වැරදි තොරතුරු ව්‍යාප්තිය හමුවේ, අධ්‍යාපනයේ අත්‍යවශ්‍යතාවය වඩාත් ඉස්මතු වෙලා තිබෙනවා.

ඒ විතරක් නෙමෙයි විශ්ව විද්‍යාල පද්ධතියේ පවතින පීඩනයන් ද මෙම පරිවර්තනයෙන් ජයගත හැකියි. මෙවැනි සංවාදවල, බෙදාගැනීම්වල, සහ සාකච්ඡාවල වැදගත්කම අපට තවත් පෙන්වා දෙන්නේ, අදහස් බෙදා ගන්නා සහ එකට වැඩ කරන පරිවර්තනීය අධ්‍යාපනයක අවශ්‍යතාවයි. අපගේ අධ්‍යාපන ක්‍රමය තරඟකාරීත්වයේ සිරගෙයින් මුදා ගෙන, සහයෝගීතාවයේ සහ වගකීම් සහගත බෙදාගැනීමේ නිදහස් අවකාශයක් බවට පත් කිරීම, ශ්‍රී ලංකාවේ අනාගතය වෙනුවෙන් රට මුහුණ දෙන මූලික අභියෝගය බවද අග්‍රාමාත්‍ය ආචාර්ය හරිනි අමරසූරිය පැවසුවාය.