දික්ඔයේ අනවසර ඉදිකිරීම් වහාම නැවත්වීමට තීරණය කෙරේ

දිට්වා සුළි කුණාටුවෙන් පසු ඇති වූ බලපෑම් මත හැටන් - ක්ඔය නගර සභා සීමාව තුළ සිදුවන සියලුම අනවසර ඉදිකිරීම් වහාම නතර කිරීමට නගර සභාව තීරණය කර ඇත.

නගර සභා සභාපති අසෝක කරුණාරත්න මහතාගේ උපදෙස් මත, නගර සභාවේ නිලධාරීන් ශබ්ද විකාශන යන්ත්‍ර භාවිතයෙන් ප්‍රදේශවාසීන්ට මෙම තීරණය දැනුම්දී ඇත. නගර සභාවේ සහ ජාතික ගොඩනැගිලි පර්යේෂණ සංවිධානයේ නිර්දේශ හෝ අනුමැතිය නොලැබූ ඉදිකිරීම් කටයුතු වහාම නතර කරන ලෙස ජනතාවට දැනුම්දී තිබේ.

පාසල් කාලය විනාඩි 30කින් දීර්ඝ කිරීම ගැන අලුත්ම ආරංචිය මෙන්න

සභාපතිවරයා පැවසුවේ, නගර සභා සීමාව තුළ ඇතැම් පිරිස් නගර සභාවේ හෝ ජාතික ගොඩනැගිලි පර්යේෂණ සංවිධානයේ වැනි ආයතනවලින් අනුමැතිය ලබා නොගෙන ඉදිකිරීම් සිදු කරන බවත්, තවත් පිරිසක් අනුමත සැලැස්මට පටහැනිව ඉදිකිරීම් කරන බවත්ය. මෙම ක්‍රියාවන් නිසා ආපදා අවදානම ඉහළ ගොස් ඇති බැවින්, මෙම ඉදිකිරීම් වහාම නතර කිරීමට පියවර ගත් බව ඔහු අවධාරණය කළේය.

එසේම, ප්‍රදේශයේ පදිංචිකරුවන් අවිධිමත් ලෙස කැලි කසල බැහැර කිරීමද ගැටලුවක් බව සඳහන් කළ සභාපතිවරයා, එවැනි ක්‍රියාකාරකම්වල යෙදෙන පුද්ගලයන්ට එරෙහිව නීතිමය ක්‍රියාමාර්ග ගැනීමටද නගර සභාව කටයුතු කරන බව දන්වා සිටියේය.

GovPay යෙදුම හරහා රථවාහන දඩ ගෙවීම නැගෙනහිර පළාතටත්

මෙම තීරණය දිට්වා සුළි කුණාටුවෙන් පසු ඇති වූ නායයෑම් සහ ගංවතුර බලපෑම් මත පදනම් වූ බැවින්, ප්‍රදේශවාසීන්ගේ ආරක්ෂාව තහවුරු කිරීමට මෙය වැදගත් පියවරක් ලෙස සැලකේ. නගර සභාව මගින් ඉදිරියේදීද මෙම නියාමනයන් දැඩිව ක්‍රියාත්මක කිරීමට අපේක්ෂා කෙරේ.

නායයෑම්වල වැලලුණු මිනී හොයන්න ලංකාව පිටරටින් බල්ලෝ ඉල්ලපු කතාවේ ඇත්ත නැත්ත